"Şirniyyat süfrəsi" ilə keçirilən kampaniya zamanı seçkilərin maliyyələşdirilməsi qaydaları pozula bilər
“Gürcü Arzusu” və Salome Zurabişvilinin qərargahının nümayəndələri Marneulidə qadın seçicilərlə yenə “şirniyyat süfrəsi” arxasında görüşlərə davam edirlər.
Görüş 16 noyabr tarixində Marneuli şəhərində “Qızıl tac” restoranında keçirilib.
“Gürcü Arzusu”nun Marneuli qərargahının üzvü Nərgiz Əliyeva bizimlə söhbəti zamanı deyir ki, görüşdə müxtəlif sahələrdə fəaliyyət göstərən qadınlar iştirak edirdilər.
"Bəli, bu seçkiöncəsi təbliğat sayılır, lakin tam olaraq yox. Biz qadınlarla görüşürük ki, onların problemlərini, ölkənin qadınlarla və milli azlıqlarla bağlı siyasətini daha da yaxşılaşdırmaq istiqamətində ideyalarını dinləyək", - Nərgiz Əliyeva deyir.
Nərgiz Əliyeva görüşün seçkiöncəsi təbliğat məqsədilə keçirildiyini təkzib etmir. Lakin o, özü seçkiöncəsi təbliğat aparmadığını deyir.
Kürtlərdə qadınlarla görüşdə olduğu kimi, “Qızıl tac”da da çay, konfet və şirniyyatlar var idi. Onda Əliyeva “şirniyyat süfrəsini” ev sahibəsinin açdığını bildirmişdi, indi isə bildirir ki, Marneulinin ən görkəmli şadlıq evində keçirilmiş görüşü adının açıqlanmasını istəməyən bir biznesmen maliyyələşdirib.
“Çox da böyük maddi yardım deyil. Sadəcə bütün bunları öz xərcimizlə edə bilmədik, kimlərdənsə xahiş etdik və onlar təşkil etdilər. Orada maksimum çay, limon, şəkər və konfet var idi” - Nərgiz Əliyeva deyir.
Görüşdə Marneulili qadınlar və təşkilatçılarla birgə Marneulinin majoritar deputatı Ruslan Hacıyev də iştirak edirdi. Hacıyev bizimlə söhbəti zamanı bildirdi ki, onu görüşə qadınlarla söhbət etmək üçün dəvət ediblər. Deputat üçün görüş çox xoş və səmərəli olub.
“Gürcüstan Gənc Hüquqşünaslar Assosiasiyası”nın vəkili Rati Tinikaşvilinin dediyinə görə, qeyd olunan görüşlərin məqsədi hansısa bir namizədin xeyrinə seçkiöncəsi təbliğatdırsa və bunu siyasi partiya edirsə, bu qeyri-qanuni ianə də sayıla bilər.
“Partiyanın hər-hansı subyekt lehinə ianə etməsi qadağandır. İanə isə hər hansı seçki subyekti üçün tədbirin keçirilməsi də hesab olunur və müvafiq olaraq, bu halda siyasi partiyanın seçkilərin maliyyələşdirilməsi qaydalarını pozması da ola bilər” – Gürcüstan Gənc Hüquqşünaslar Assosiasiyasının vəkili bildirdi.
Mövzu ilə bağlı digər xəbərlər:
İkinci tur öncəsi qadın seçicilərlə "şirin süfrə" ilə başlamış görüşlər
მსგავსი სიახლეები
ჩვენ შესახებ
ორგანიზაციის ძირითადი მიზანია მარნეულის მუნიციპალიტეტში მედია პლათპორმის მეშვეობით მისცეს მოსახლეობას (თემს) საშუალება ისარგებლოს უფლებით იყოს ინფორმირებული და გააძლიეროს სამოქალაქო სექტორი და მისცეს საშუალება თემს იყოს აქტიურად ჩართული გადაწყვეტილების მიღების პროცესებში.
საკონტაქტო ინფორმაცია
mobile: +995 557 99 44 15
ელ. ფოსტა: marneulifm@gmail.com
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
