Bu gün, 4 dekabrda Marneuli Mülki Məşğulluq
Mərkəzində gender zorakılğına qarşı 16 günlük kampaniya
çərçivəsində ailədə zorakılıq qurbanlarının böhran mərkəzi və
sığınacaqları haqqında görüş keçirildi.
Marneulidə zorakılıq qurbanları üçün böhran mərkəzinin açılması
yaxın gələcəkdə planlaşdırılır. Mərkəz ailədə zorakılıq
qurbanlarına və qadına qarşı zorakılıq qurbanlarına xidmət
göstərəcək. Mərkəzin sosial əməkdaşı, hüquqşünası və psixoloqu
olacaq.
Xidmət pulsuz olacaq. Görüşdə eləcə də DİN-in ailədə zorakılıq və
erkən yaşda evlənmə prevensiyası ilə bağlı rolu müzakirə olunub.
Mülki Məşğulluq Mərkəzinin Marneuli ofisinin nümayəndəsi Mariam
Samxaradze bizimlə söhbət zamanı qeyd etdi ki, oxşar görüşlərin
Marneulidə keçirilməsi vacibdir çünki əhalidə məlumat artır.
Məlumat xarakterli görüş sual cavab rejimində gedirdi və orada
yerli özünüidarə nümayəndələri, QHT və Xalq Müdafiəçisinin ofis
nümayəndələri, digər maraqlanan şəxslər iştirak
edirdilər.