Geo Hospital klinikasında insident baş verib
Bu gün, 5 dekabr
tarixində Marneuli Geo Hospital xəstəxanasında Marneuli sakini
Ziyarət Məhərrəmov həkimlərlə mübahisə edib.
O,
bildirir ki, onun vərəm xəstəliyinə tutulmuş qardaşı bir neçə
gündür Marneuli xəstəxanasında yatır. Onun sağlamlıq durumu
haqqında heç nə bilmir və başqa xəstəxanaya keçirməyə icazə
vermirlər.
“Mənim qardaşım aparata qoşuludur, heç nə demirlər ki, nəyi var. Nə
də sənədləri vermirlər ki, qardaşımı Tbilisiyə aparım. Bəs həkim nə
üçündür, heç nə demir. Dərmanlarını normal qaydada vermirlər” -
deyir Ziyarət Məhərrəmov.
Həkimin sözlərinə görə, xəstə bir neçə gün əvvəl nəfəs çatışmazlığı
diaqnozu ilə klinikaya aparılıb. Onun sağlamlıq durumu yavaş-yavaş
stabilləşir.
“Biz vərəm dispanserinə zəng vurduq, oradan dedilər ki, xəstəni
qəbul edə bilməyəcəklər, çünki o, iki ay vərəm və ağ ciyər
xəstəlikləri üzrə milli mərkəzdə qalıb və yaxşılaşmış vəziyyətdə
çıxarılıb” – deyir həkim.
Həkim həmçinin, deyir ki, Ziyarət Məhərrəmovun qardaşı onların
klinikasında dəfələrlə yatıb və tibbi müəssisəni hər çür müayinədən
keçərək tərk edirmiş.
Videoya buradan baxa bilərsiniz: