Marneulinin sosial infrastrukturu ilə bağlı ictimai müzakirə (LIVE)
Bu gün, 19 dekabr tarixində Marneuli Mülki
Məşğulluq Mərkəzində Marneuli bələdiyyəsinin 2019-cu il büdcəsinə
daxil edilmiş sosial infrastruktur proqramları ilə bağlı ictimai
müzakirə keçirilib.
Görüş bələdiyyə büdcəsi layihəsi çərçivəsində keçirilir və əsasən
məktəblərin təmiri, yollar, tullantıların idarə olunması, suvarma
suyu sistemləri və s. kimi sosial infrastruktur proqramlarını əhatə
edən mövzular müzakirə olunur.
“Marneuli Demokrat Qadınlar Cəmiyyəti”nin sədri Olqa Endeladze
deyir ki, büdcə layihəsi artıq hazırlanmış olsa da, bugünkü görüş
yeni prioritetlərin müəyyən olunmasına kömək edəcək.
“Yeni prioritetlərin və ya proqramların özünün həyata
keçirilməsinin səmərəliliyi üçün həqiqətən belə görüşlərə ehtiyac
var. Çünki bu proqram çərçivəsində 2019-cu ildə nə olacaq, nə ola
bilər – bunları müzakirə edəcəyik. Bunlar belə görüşlərin əsas
məqsədidir”, – Olqa Endeladze deyir.
Görüşün əsas məqsədi bələdiyyə proqramların gender bərabərliyi
planının həyata keçirilməsi baxımından kənddə yaşayan müxtəlif
sosial qruplar üçün əlçatanlığının artırılması, maraqlanan
tərəflərin fikirlərinin və iradlarının qeydə alınması və şura
üzvlərinin maarifləndirilməsi və büdcə prosesləri ilə bağlı
tövsiyələrin hazırlanması və çatdırılmasında iştirakdır.
Müzakirə “Marneuli Demokrat Qadınlar Cəmiyyəti” və “Mülki Məşğulluq
Mərkəzləri Şəbəkəsi” tərəfindən həyata keçirilən “Mülki sektor
bələdiyyə siyasətinin hazırlanması üçün” layihəsi çərçivəsində
keçirilib.
“Marneuli”
radiosu
რადიო "მარნეული"