Yeni şam ağacı Marneuli
Mədəniyyət Mərkəzinin qarşısında quraşdırılır.
Yeni şam ağacını Marneuli bələdiyyəsi 14 256 lariyə alıb. Tender
sənədlərinə görə, şam ağacının rəngi təbii yaşıl, hündürlüyü 10
metrdən artıq, diametri isə 4 metr olmalı idi.
Meriya bunadək isə Mədəniyyət Mərkəzinin həyətindəki təbii şam
ağacını bəzəyirdi.
Marneuli bələdiyyəsi tenderdə şam ağacı ilə yanaşı yeni il
tədbirlərinin keçirilməsi və küçələrin işıqlarla bəzədilməsini də
elan etmişdi. Meriya şəhərin bəzədilməsi üçün 25 000, yeni il
tədbirləri üçün 14 050 lari xərcləyəcək.
Marneulidə Rustaveli küçəsi artıq bəzədilməyə başlanıb, lakin hələ
ki, ötən ildən qalmış bəzəklər quraşdırılır.
Meriya yeni il tədbirləri, şam ağacı və küçələrin işıqlarla
bəzədilməsi üçün ümumilikdə 55 000 lariyədək vəsait ayırıb.
“Marneuli” radiosu