Marneulidə qızılca vurisu ilə bağlı 2 hal qeydə alınıb
Marneulidə
qızılca vurisu ilə bağlı 2 hal qeydə alınıb.
26
yaşlı kişi Tbilisi infeksiya patologiyaları mərkəzində, 30 yaşlı
kişi isə Rustavi klinikasına müalicə olur.
Marneulinin Xəstəliklərin Kontrolu Mərkəzinin rəhbəri Eter
Laperadzenin sözlərinə görə, Marneulidə hələlik başqa hallar qeydə
alınmayıb.
Laperadze izah edir ki, bələdiyyədə virusa qarşı vaksin problemi
var və əhalini peyvənd vurdurmağa çağırır.
“Bu keçici infeksiyadır və 1-dən 5 yaşa qədər uşaqlar
planlı olaraq peyvənddən keçirlər. İstədikləri halda yuxarı yaşlı
vətəndaşlar, virusla kontaktı olanlar da peyvənd vurdura bilərlər.
Həmçinin, uşaqlıqda qızılcaya qarşı peyvənd vurulub vurulmadığını
xatırlamayan şəxslər də peyvənlənməlidir. İkinci dəfə peyvənd heç
bir əks nəticə vermir” - deyir Eter Laperadze.
Bir yanvardan bu günə qədər Gürcüstan miqyasında qızılcaya 312
nəfər yoluxub. Virus əsasən 20-dən 40 yaşa qədər qrupu əhatə
edib.
Qızılcanın mənbəyi xəstəliyə yoluxmuş adamlardır. Onlar xüsusən
xəstəliyin ilkin dövründə təhlükəlidirlər. Virusun inkubasiya dövrü
infeksiyaya yoluxmanın ilk simptomuna qədər 7-18 gündən ibarətdir.
Xəstəliyə yoluxanlar səpgilərin başlamasından 4 gün ərzində keçici
hesab olunurlar. Bundan əlavə virusun yüksək keçməsi xarakteri var,
24 saatlıq ünsiyyət dövründə infeksiyanı qəbul edən adam 40% , 48
saatlıq ünsiyyət dövründə - 60%, 72 saatlıq ünsiyyət dövründə isə -
80% xəstələnir.
Qızılcanın tipik halı yetərli dərəcədə kəskin başlayır, temperatur
qalxır, simptomlardan təqribən 2-3 gün sonra ağız boşluğunda ağ
yumru səpkilər əmələ gələ bilər, 5-6 gündən sonra isə xəstənin
bədənində səpkilər əmələ gəlir. Ancaq xəstə adam nə qədər
yaşlıdırsa simptomları keçirmək bir o qədər də çətindir.