Salome Qiria 7 il əvvəl Zuqdididən Marneuliyə
köçüb. Onun məqsədi etnik azlıqlara gürcü dilini öyrətmək
idi.
Sabirkənd ictimai məktəbində 2012-ci ildə
gürcü dili üzrə köməkçi müəllim olaraq çalışmağa başlayıb. Mühitə
uyğunlaşmaq o qədər də asan olmayıb. Əsas problemi dil maneəsi
yaradırmış. Bir dəfə geri qayıtmaq haqqında da düşünüb, ancaq
özündə güc toplyıb və başa düşüb ki, buradakı uşaqların həyatını
dəyişə bilər. Bu imkanı əldən verə bilməzdi.
“Bilmirdim hara gedirm, mənim yaşayacağım ailə kim
olacaqdı. Yerli mədəniyyətlə tanış deyildim. Düzdü bəzi şeylər
eşitmirdim amma reallıq başqadır. Bu günü düşünəndə bilmirəm nə
deyim” - Salome Qiria deyir.
Salome üçün uşaqlarla çalışmaq indi olduqca asandır. İlk dəfə dərs
keçmək üçün sinifə daxil olduğu və ünsiyyətə jest dilində etdiyi
günü təbəssümlə xatırlayır.
“Hər bir müəllimin şagird üçün nə edəcəyinin və hansı
əhval ruhiyyədə sinifə daxil olacağının böyük əhəmiyyəti var. İlk
gündən çalışırdım ki, yaxşı əhval ruhiyyə yaradım. Sonra ikinci
üçüncü gün davam etdim və uşaqlar tərəfindən də maraq var
idi” - Salome Qiria deyir.
Salome Sabirkənd ictimai məktəbində “qeri-gürcü dilli müəllimlərin
peşəkar inkişafı” layihəsi çərçivəsində çalışır. Hesab edir ki, bu
layihə intqrasiya baxımından böyük dəyişikliyə səbəb olub.
“Onlar artıq harada yaşadıqlarını, gürcü adətlərini,
niyə dil bilməli olduqlarını bilirlər. Bu layihə bitməməlidir.
Davamlı şəkildə nələrsə etmək istəyirsən. Əsas odur ki, ideyan çox
ola bilər bunları şagirdə necə göstərəcəksən” -
Salome Qiria deyir.
Dərslərin əyləncəli formatda keçirilməsi üçün flomasterlər və başqa
lazımi əşyaları öz vəsaiti ilə alır. Üçüncü siniflərə ailə
mövzusunu aydın şəkildə dəsmal və bığlar yapışdırmaqla izah edir.
Sinif otağına hər gün fərqli ideyalar və həvəslə daxil olur.
“Düşünürəm ki, indi 3-4 il əvvəl olan müəllimdən daha
fərqli müəlliməm. Sevinirəm ki, nələrsə edilir və mən heç vaxt
başqalarından götürüb etmirəm özüm düşünürəm ki, hansı yenilikləri
edə bilərəm” - Salome Qiria deyir.
Təmir işlərinə görə Sabirkəndin ictimai məktəbinin şagirdləri
dərslərini Algeti ictimai məktəbində keçir. 15 dəqiqəlik piyada
yolu Salome şagirdləri ilə birgə, mahnı oxuyaraq gedir. Onun əsas
motivasiya qüvvəsi ailəsidir və orada artıq yeddi ildir ki,
yaşayır.
“Öz evladlarına nəisə alırlarsa mənə də alırlar. Bu adamlar üçün
həqiqətən də dördüncü evlad kimiyəm. İnsanlıq olan yerdə müxtəlif
mədəniyyətlərdən söhbət gedə bilməz” - Salome Qiria
deyir.
O, Marneulidən getməyi düşünmür belə. İndi Salome Qirianın əsas
məqsədi əhaliyə kömək etmək, şagirdlərə təhsil vermək və
müəllimlərlə yeni tədris metodlarını paylaşmaqdır.