“Marneulinin Etalon şagirdi” 8-ci sinif şagirdi Aysel Əhmədova olub
17:54 / 08.02.2019
“Marneulinin etalon şagirdi” 4 saylı məktəbin
8-ci sinif şagirdi Aysel Əhmədova oldu.O,
77 bal toplayaraq 85 şagird arasında birinci yeri tutdu.
Qalibiyyətin sevincini yaşayan Aysel bizimlə söhbətində yalnız onu
deyə bildi ki, çox sevinir. Daha sonra isə onun gürcü dili müəllimi
İneza Kveladze Ayselin necə şagird olması barədə danışdı.
“Bu nəticəni həqiqətən də gözləyirdim, çünki məktəbdə
birinci sinifdən onun müəllimiyəm və Ayselin bacarığına bələdəm.
Buraya gələndə düşünürdüm ki, Aysel səhnəyə necə çıxacaq və birinci
yeri necə ona verəcəklər” - İneza Qveladze deyir.
İneza Kveladzenin dediyinə görə, o, çox sevinir ki, bir müəllim
kimi onun əməyi şagirdlərinin uğurları ilə qiymətləndirilir.
Bu gün, 8 fevral tarixində Gürcüstan Milli İntellektual Çempionatı
“Etalon”un ikinci turu keçirildi. Birinci turda Marneuli miqyasında
74 məktəbin şagirdi iştirak edirdi. Onlardan ən yaxşı 85 şagird isə
bu gün keçirilən ikinci tura vəsiqə qazanmışdı.
“Tam əminliklə deyə bilərəm ki, layihə daha da
məşhurlaşır və müxtəlif bələdiyyələrdə keçirilir. Birinci turda
iştirakçılar 15%-dən 20%-ə qədərdir. Marneulidə 20% artıq oldu.
İkinci turda iştirakçıların ən böyük sayı
Marneulidədir” - deyir “Etalon”un ideya müəllifi və
aparıcısı Qoça Tkeşelaşvili qeyd etdi ki, bu gün qalib gəlmiş
şagird 15 iyun tarixində Tbilisidə, Rustaveli prospektində
keçiriləcək final yarışında iştirak edəcək.
Tədbirdə müəllim və valideynlərlə bərabər Marneuli yerli özünüidarə
nümayəndələri də iştirak edirdilər. Marneuli merinin
səlahiyyətlərini yerinə yetirən Zaur Tabatadze Ayseli qələbə
münasibətilə təbrik etdi və qeyd etdi ki, “Etalon” bütün Gürcüstan
üçün mühüm layihədir.
“Bu şagirdlərin həyata hazırlaşması üçün çox yaxşı
layihədir. Çünki onlar bizim müstəqil ölkəmizin dəyərli
vətəndaşları olmalıdırlar” - Zaur Tabatadze
deyir.
“Etalon” layihəsi artıq 13 ildir ki, bütün Gürcüstan miqyasında
həyata keçirilir. Layihədə 8-ci sinifdən yuxarı hər bir şagird
iştirak edə bilər.