Tbilisidə, Beliaşvili küçəsində yerləşən stadionda bir neçə nəfər
qara dərili tələbə təqribən
2 saat ərzində futbol oynayırmış və nəticədə aqressiv bir qrup kişi
fiziki və şifahi təhqirlə onları ərazidən çıxarıb.
Hadisə 8 aprel təqribən saat 18:00-da baş verib.
Netgazetiyə şahidlərdən birinin təqdim etdiyi videoda görsənir ki,
dəyənəklə silahlanmış şəxslər qara dərili gəncləri necə fiziki və
şifahi olaraq təhqir edirlər. Şahidin dediyinə görə, aqressiv
vətəndaşlar qrupu güclə qara dərili gəncləri ərazini tərk etməyə
məcbur edib.
Fiziki təhqir və hədələmə videosunu qara dərili tələbələrdən biri
də çəkib. Orada görsənir ki, o, və dostları güclə canlarını
qurtarıblar. Onun sözlərinə görə, iqrçi və diskriminativ zorakılığa
görə polis çağırıblar və videonu da göstəriblər. Ancaq hüquq
mühafizəçiləri onlara deyib ki, “baş verəni və bu kişiləri
unutsunlar”.
“Bizi təhqir edən heç bir gürcünü saxlamayıblar. Polis onlardan heç
bir üzr istəmək formasını tələb etməyib. Heç nə! Niyə? Bu tarixi
tərsinə çevirsək, qaradərililər gürcüləri təhqit etsəydilər polisin
belə sağlam olmayan yanaşması olardımı? Uzun söhbətim üçün üzr
istəyirəm, amma biz irqçiliyi dayandırmaq üçün mübarizə
aparmalıyıq. 21-ci əsrdə? inanılmazdır. Bu dayandırılmalıdır!” –
bildirir Benit. O, Nyu-Vijen Universitetinin tələbəsidir.
Qaradərili tələbələr zorakılığın əks olunduğu videonu sosial
şəbəkəyə yerləşdirdikdən sonra onlar hədə və irqçiliklə dolu olan
mesajlar almağa başlayırlar.
Gürcüstanın Daxili İşlər Nazirliyindən Netgazetiyə bildirirlər ki,
Beliaşvili küçəsində gənc tələbələrin döyülməsi faktına dair
istintaq CM-nin 126-cı maddəsi ilə başlayıb. Maddə zorakılığı
nəzərdə tutur.
Tələbələr bildirirlər ki, onların döyülməsi və meydançdan
çıxarılması faktları dərilərinin rənginə görə olub.
Ancaq polis CM-nin 1421-ci maddəsinə əsasən istintaqa başlamayıb.
Maddəi irqçiliklə diskriminasiyanı nəzərdə tutur.
Netgazetinin söhbət etdiyi zərərçəkmiş tələbə deyir ki, polis onu
sorğulamayıb və hadisədən sonra əlaqə saxlamayıblar.