Henley Passport Index-ის 2024 წლის ძლიერი პასპორტების რეიტინგში საქართველომ 51-ე ადგილი დაიკავა. ანგარიშის თანახმად, საქართველოს პასპორტით უვიზო შესვლა შესაძლებელია 122 ქვეყანაში.
აღსანიშნავია ისიც, რომ გასულ წელთან შედარებით, საქართველო რეიტინგში ერთი პუნქტით დაქვეითდა. 2023 წელს ქვეყანა 50-ე ადგილს იკავებდა, ხოლო უვიზო შესვლა შესაძლებელი იყო 116 ქვეყანაში.

ამასთანავე, აღნიშნულ რეიტინგში 2022 წელს საქართველო 48-ე ადგილს (უვიზოდ შესვლა 115 ქვეყანაში), ხოლო 2021 წელს 55-ე ადგილს იკავებდა (115 ქვეყანა).

მსოფლიოს ყველაზე ძლიერი პასპორტების ათეულში საფრანგეთი, გერმანია, იტალია, იაპონია, სინგაპური, ესპანეთი, ფინეთი, ნიდერლანდები, სამხრეთ კორეა და შვედეთი მოხვდა.

რაც შეეხება ყველაზე სუსტ პასპორტებს მსოფლიოში, ათეული ასე გამოიყურება: ავღანეთი, სირია, ერაყი, პაკისტანი, იემენი, სომალი, ნეპალი, ლიბია, პალესტინა და ჩრდილოეთ კორეა.

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.