67-օրյա սահմանափակումից հետո Մաղալաշվիլիի կամրջի երթեւեկությունը վերականգնվել է
67-օրյա սահմանափակումից հետո Մառնեուլի քաղաքի Դուրմիշխան
Մաղալաշվիլիի անվան կամրջի վրա վերականգնվել է ավտոմոբիլային
երթեւեկությունը։ Այսօր՝ փետրվարի 5-ին, կամրջի վրա ավտոմոբիլային
երթեւեկությունը վերականգնվել է։
Նոյեմբերի 30-ից Մաղալաշվիլիի կամրջի վրա սահմանափակվել է
տեղաշարժը, ինչը քաղաքում խցանումներ է առաջացրել։ Մառնեուլիի
քաղաքապետարանում սկզբում հայտարարեցին, որ կամրջի երթեւեկությունը
կվերականգնվի դեկտեմբերի 20-ին, իսկ հետո մեզ խոստացան, որ մինչեւ Նոր
տարի կամրջի երթեւեկությունը կվերականգնվի։ Հունվարի 8-ին «Ռադիո
Մառնեուլի» հետ զրույցում Դուրմիշխան Մաղալաշվիլիի անունը
կրող կամուրջը վերականգնելու ցանկություն ունեցող «Իռլանի» ՍՊԸ-ի
տնօրեն Թեմուր Տաբուկաշվիլին ասել է, որ կամրջի վերականգնման
աշխատանքները կավարտվեն հունվարի վերջին։ Հունվարի 29-ին Մառնեուլիի
քաղաքապետարանից Ռադիո «Մառնեուլին» հայտնել են, որ կամրջի
վերականգնման աշխատանքները դադարեցվել են եղանակային վատ պայմանների
պատճառով, իսկ փետրվարի 2-ին հայտարարել են, որ երկուշաբթի՝ փետրվարի
5-ից կամրջի երթեւեկությունը կվերականգնվի։
Հարկ է նշել, որ Մառնեուլիի քաղաքապետարանը ժամանակավոր երկաթուղային
անցում է կազմակերպել կամրջի տակ՝ կամրջի փակման պատճառով առաջացած
խցանումները մեղմելու նպատակով։
Մառնեուլի քաղաքում «Իռլանի» ՍՊԸ-ն 1 878 333 լարիով իրականացնում է
Դուրմիշխան Մաղալաշվիլիի անվան կամրջի վերականգնման
աշխատանքները։ Մառնեուլիի քաղաքապետարանը 2023 թվականի մայիսի 5-ին
պայմանագիր է կնքել ընկերության հետ, ըստ որի՝ աշխատանքների ավարտի
վերջնաժամկետ է սահմանվել 150 օրացուցային օր՝ մոտավորապես 5 ամիս։
Հոկտեմբերի 12-ին քաղաքապետարանի և «Իռլան» ՍՊԸ-ի միջև կնքված
պայմանագրում փոփոխություններ են կատարվել, որոնց համաձայն
ընկերությանը վերջնաժամկետ է տրվել դեկտեմբերի 25-ին ավարտելու
աշխատանքները։
"Ռադիո Մառնեուլի"
Թարգմ․ ՝ Մարգարիտա Միսկարյան