Seyidqocalı kəndində qətl törədən şəxs azadlıqdan məhrum edilib
16:04 / 07.12.2018
Qəsdən qətl törətməkdə ittiham olunan şəxs 10 il
müddətinə azadlıqdan məhrum edildi.
Rustavi Şəhər Məhkəməsi prokurorluq tərəfindən təqdim edilmiş
dəlillərlə razılaşıb və qəsdən qətl törətməkdə ittiham olunan
T.V.-ni günahkar bilib. Bu barədə jurnalistlərə Gürcüstan
prokurorluğundan məlumat verilib.
Prokurorluğun məlumatına görə, məhkəmə prosesində araşdırılmış
dəlillər ilə 5 may 2018-ci il tarixində axşam saatlarında Marneuli
rayonu Seyidqocalı kəndində T.V.-nin qarşılıqlı mübahisə zəminində
ov tüfəngindən açdığı atəş nəticəsində N.V.-ni qətlə yetirdiyi,
cəsədi yarğana atdığı və hadisə yerindən qaçıb gizləndiyi sübuta
yetirilib.
Hüquq mühafizəçiləri T.V.-ni 5 avqust 2018-ci il tarixində Marneuli
rayonunun Seyidqocalı kəndində saxlayıblar. Ona qarşı Cinayət
Məcəlləsinin 108-ci maddəsi (qəsdən adam öldürmə) ilə ittiham irəli
sürülüb və ilkin tədbir olaraq azadlıqdan məhrumetmə cəzası
verilib.
Rustavi Şəhər Məhkəməsi T.V.-ni irəli sürülmüş ittihamlarda
günahkar bilib və 10 il müddətinə azadlıqdan məhrum edib.
Mənbə:
tv4.ge