მარნეულის რაიონის სოფელ კირიხლოში არსებული სტადიონი, რომელიც ახმედ ქარამას მიწის ნაკვეთზეა აპირებს, რომ მოსახლეობას მისცეს. როგორც თავად ჩვენთან საუბარში ამბობს, მას იქ  კაკლის ბაღი აქვს გაშენებული, ფირმა შპს-დ არის რეგისტრირებული და ორი მეწილეც ჰყავს, თუმცა საჯარო რეესტრში მიწის ნაკვეთი არ იძებნება.
მისივე თქმით, მიწის ნაკვეთი მან კერძო პირისგან შეიძინა უკვე დაახლოებით 2 წელია.
სწორედ ამ მიწის ნაკვეათზეა სპორტული მოედანი, რომლის გაუქმებაზეც მოსახლეობა ძალიან წუხს. ახმედი ამბობს, რომ ნაკვეთი მისია, თუმცა ადგილობრივებთან კონფლიქტური სიტუაციის ასარიდებლად მზადაა საკუთარი სახსრებით გადაიტანოს გზის პირას სტადიონი.

“ მე ნაკვეთი ვიყიდე, თვითონ სტადიონია გაკეთებული ჩემ მიწაზე, სოფელთან არ მინდა კონფლიქტი, ამიტომ ჩემი ხარჯით გადმოვიტან სტადიონს გზის ნაპირზე და სოფელს ვაჩუქებ“-ამბობს ახმედ ქარამა

პარტია „ევროპული საქართველოს“ წევრი ახმედ იმამყულიევი ამბობს, რომ სპორტული მოედნის საკითხზე მოსახლეობა მასაც დაუკავშირდა, მათ კი ადგილზე მისვლა და ვითარებაში გარკვევა გადაწყვიტეს, როგორც იმამყულიევი ამბობს, კირიხლოში მისვლისას პარტია „ქართული ოცნების“ ერთ-ერთი აქტივისტი მათთან მივიდა და სიტყვიერი შეურცხყოფა მიაყენა, რადროსაც პოლიციის გამოძახებც გახდა სჭირო. იმამყულიევის თქმით, მერიის მხრიდან აღნიშნული სტადიონის რეაბილიტაციისთვის 28 000 ლარზე მეტი დაიხარჯა, რასაც არამიზნობრივ ხარჯვად მიიჩნევს და პასუხის მისაღებად ოფიციალური წერილით მიმართვასაც გეგმავს.

„მერიაში განცხადების დაწერას ვაპირებ. თუ მიწა ადრეც სხვის საკუთრებაში იყო მუნიციპალიტეტიდან რატომ დაიხარჯა 28 500 ლარი სხვის საკუთრებაში მქონე მიწაზე.“-ამბობს იმამყულიევი

მერიაში ადასტურებენ იმ ინფორმაციას, რომ სტადიონის არა დეონტაჟი, არამედ ადგილის შეცვლა ხდება და ამბობენ, რომ ყველაფერი კანონის ფარგლებში მიმდინარეობს.

თუმცა ჩვენთვის გაურკვეველი რჩება იცოდა თუ არა მერიამ იმის შესახებ, რომ სტადიონის ტერიტორია კერძო საკუთრებაშია.

რადიო "მარნეული"