მარნეულის მუნიციპალიტეტის სოფელ ყიზილაჯლოს ადრეული ჩარევის ცენტრი ბაგა-ბაღების გაერთიანების დაქვემდებარებაში გადავიდა. როგორც მარნეულის ბაგა-ბაღების გაერთიანების უფროსი ზაურ ქარამოვი ამბობს, ცენტრი ყიზილაჯლოს ბაღშია და ერთ ოთახს იკავებს.
ისინი მუშაობას იქ განაგრძობენ, სადაც არასამთავრობო ორგანიზაცია "ბავშვი, ოჯახი, საზოგადოებას" ჰქონდა შშმ ბავშვებისთვის მომსახურეობა. ქარამოვი ამბოსბ, რომ მათ ახლა 5 პედაგოგი ჰყავთ , 3 პედაგოგთან გასაუბრება ჰქონდათ, რომლებსაც შესაბამისი სერტიფიკატები აქვთ ჯანდაცვის სამინისტროს მიერ აღიარებული.

"არსებობს სპეციალური პროგრამა, რომელიც არის ჯანდაცვის სამინისტროს მიერ დამტკიცებული და აღიარებული, რომლითაც ჩვენ ვიხელმძღვანელებთ, და ამ პროგრამის მიხედვით იქნება სწავლების ორი მეთოდოლოგია- სენსორული და მრავალფუნქციური დარღვევის მქონე პირების ჯგუფი . ჯგუფთან მუშაობას დავიწყებთ, როგორც კი მერიისგან მივიღებთ დასტურს. გასაუბრებების შედეგად წარვუდგინეთ მერიას ანგარიში, რის შედეგადაც ისინე გვეტყვიან თუ როდის დავიწყოთ მუშაობა"- ამბობს ქარამოვი 

როგორც ქარამოვი ამბობს, მათ სამომავლო გეგმებიც აქვთ და აპირებენ, რომ სხვადასხვა სოფლებშიც გახსნან მსგავსი ცენტრები, ბენეფიციარების რაოდენობის გაზრდასაც მომავალი წლინად გეგმავენ. მარნეულის მერიამ ცენტრისთვის 75 000 ლარი გამოყო.

რადიო "მარნეული"