მარნეული-სადახლოს მეთერთმეტე კილომეტრზე ავტოსაგზაო შემთხვევა მოხდა
დღეს, დილის საათებში, მარნეული-სადახლოს 11-ე კილომეტრზე ავტოსაგზაო
შემთხვევა მოხდა. ერთმანეთს ორი ავტომობილი შეეჯახა.
როგორც რადიო „მარნეულს“ შინაგან საქმეთა სამინისტროში განუცხადეს,
შემთხვევის შედეგად არავინ დაშავებულა. მომხდარზე ადმინისტრაციულ
სამართალდარღვევის ოქმი შედგა და დამნაშავე მძღოლი დაჯარიმდება
ადმინისტრაციულ-სამართალდარღვევათა კოდექსის 125-ე მუხლის მეათე
ნაწილით.
პირველადი შემოწმების შედეგად დადგინდა, რომ ავტოსაგზაო შემთხვევისას
მძღოლი იმყოფებოდა ფხიზელ მდგომარეობაში.
რადიო "მარნეული"