საპასუხო აქცია ავაკიანის ძეგლთან

8 თებერვალს, ეთნიკურად აზერბაიჯანელებმა ყარაბაღის ომში მონაწილე ავაკიანის ძეგლის დემონტაჟზე საპასუხო აქცია გამართეს
.
მათ საპასუხოდ, იმავე დღეს, ახალქალაქის მუნიციპალიტეტში სოფელ ბუღაშენში ავაკიანის ძეგლთქნ ახალგაზრდული მოძრაობის „Зори Зорьяна“ -ს წევრები შეიკრიბნენ და ასე გამოხატეს საკუთარი მხარდაჭერა. წერს "Jnews".
როგორც გამომცემლობა წერს, ახალგაზრდული მოძრაობის წევრები თვლიან, რომ მსგავსი ქმედებით საპასუხო რექცია გამოხატეს. იმ შემთხვევაში თუ ბუღაშენის მოსახლეობას დასჭირდება, ახალგაზრდული მოძრაობა მზად არის დადგეს მათ გვერდით.

შეგხსენებთ, რომ 8 თებერვალს თბილისში, პარლამენტის შენობის წინ, ეთნიკურად აზერბაიჯანელმა ახალგაზრდებმა ახალქალაქში მიხეილ ავაკიანის ბიუსტის დადგმა გააპროტესტეს.

ეთნიკურად აზერბაიჯანელმა ახალგაზრდებმა ავაკიანის ბიუსტის დადგმა გააპროტესტეს (LIVE)

აქციაში ახალგაზრდებთან ერთად მონაწილეობას არასამთავრობო სექტორის წარმომადგენლები და პოლიტიკოსებიც იღებდნენ. პარლამენტარმა აზერ სულეიმანოვმა, მალხაზ მაჩალიკაშვილმა, ალი ბაბაევმა და მარნეულის საკრებულოს წევრმა ახმედ იმამკულიევმა აქციის მონაწილეებს სიტყვით მიმართეს. ისინი გამოსვლაში აღნიშნავდნენ, რომ საქართველოში სეპარატისტის ბიუსტი სასწრაფოდ უნდა მოიხსნას.

აღსანიშნავია, რომ  აქციის ჩატარება თავდაპირველად 5 თებერვლისათვის იყო დაგეგმილი, მაგრამ 4 თებერვალს აქციის ერთ-ერთმა ორგანიზატორმა სევინჯ ჰუმბათოვამ ფეისბუქის პირად გვერდზე გაავრცელა ინფორმაცია, რომ აქციის ჩატარების დრო თბილისი მერიის უარის გამო შეიცვალა.

შეგახსენებთ, რომ 20 იანვარს ახალქალაქის მუნიციპალიტეტში ყარაბაღის ომის მონაწილე მიხეილ ავაკიანის ბიუსტის გახსნა გაიმართა.

ამ თემაზე:

აზერ სულეიმანოვმა ავაკიანის ძეგლის დემონტაჟზე კითხვა პარლამენტის თავმჯდომარეს დაუსვა

„ძეგლი გახდება მაჩვენებელი იმისა, თუ როგორი საინტეგრაციო პოლიტიკა მიმდინარეობს ჩვენს ქვეყანაში“ - ზაურ ხალილოვი

Print