2022 წლის პირველ ცხრა თვეში ქვემო ქართლში ავარიის შედეგად 27 ადამიანი გარდაიცვალა
შინაგან საქმეთა სამინისტრომ 2022 წლის პირველი 9 თვის მონაცემებით,
საქართველოს სისხლის სამართლის კოდექსის 276-ე მუხლის მიხედვით, 4 060
ავტოსაგზაო შემთხვევაზე დაიწყო გამოძიება.
შსს-ს მიერ გამოქვეყნებული სტატისტიკური მონაცემები 2022 წლის პირველ
სამ კვარტალს მოიცავს. სტატისტიკის მიხედვით, ავტოსაგზაო შემთხვევების
შედეგად გასული წლის პირველ ცხრა თვეში საქართველოს მასშტაბით 326
ადამიანი დაიღუპა, ხოლო 5 704 ადამიანი დაშავდა.
ქვემო ქართლის მასშტაბით სისხლისამართლებრივი გამოძიება 287
ავტოსაგზაო შემთხვევაზე დაიწყო. გასული წლის პირველი 9 თვის
განმავლობაში ქვემო ქართლში ავტოსაგზაო შემთხვევის შედეგად 27
ადამიანი გარდაიცვალა, ხოლო 428 ადამიანი დაშავდა.
რადიო „მარნეული“