სიახლე
გუბერნიის მიერ გამოქვეყნებული ქვემო ქართლის საიმიჯო ვიდეორგოლი მოსახლეობის ნაწილისათვის მიუღებელია
ქვემო ქართლის გუბერნიის მიერ გამოქვეყნებულ საიმიჯო ვიდეოში, სადაც რეგიონის ყველა მუნიციპალიტეტია ასახული, საქართველოს მოქალაქე აზერბაიჯანელებმა საკუთარი თავი ვერ დაინახეს.

ერთ წუთ და 38 წამანი ვიდეო გუბერნიის ოფიციალურ ფეისბუქ გვერდზე „ქვემო ქართლის მხარე“, 5 ივლისს გამოქვეყნდა. მასში ასახულია ქვემო ქართლის ყველა რეგიონი, მართლმადიდებლური ტაძრებით, ისტორიული და არქეოლოგიური ძეგლებით და ქვემო ქართლის სხვა ღირშესანიშნაობებით.

გუბერნიის მიერ გამოქვეყნებული ვიდეო მოსახლეობის ნაწილისათვის მიუღებელი აღმოჩნდა, რადგან მასში რეგიონის ეთნიკური მრავალფეროვნება ასახული არ არის. საქართველოს მოქალაქე ეთნიკურად აზერბაიჯანელებმა ვიდეოს კომენტარებსა და გაზიარებებში საკუთარი პროტესტი გამოხატეს.

რაშან ზიადალიევი ერთ-ერთი მარნეულელია, რომელმაც საიმიჯო რგოლის მიმართ პროტეტსტი გამოთქვა და ის ჩვენთან საუბრისას ამბობს, რომ ვიდეო დისკრიმინაციული ხასიათისაა.

ეთნიკურად აზერბაიჯანელების კომენტარებს არაერთგვაროვანი გამოხმაურება მოყვა. საქართველოს მოქალაქეების ნაწილი, ადამიანებს, რომლებიც ქვემო ქართლში საუკუნეების განმავლობაში ცხოვრობენ კვლავ სტუმრებად აღიქვავენ.

გუბერნიის ფეისბუქ გვერდის ადინისტრატორმა სამთავრობო უწყების გვერდზე დაწერილი კომენტარები, რომელებიც შესაძლოა ეთნიკური ნიშნით შუღლის გაღვივებას უწყობდეს ხელს არ წაშალა, ხოლო ეთნიკურად აზერბაიჯანელ მოქალაქეებს მიმართა, რომ საიმიჯო რგოლები დამზადდება მომავალშიც რომლებიც უფრო მეტად მრავალფეროვანი იქნება.

როგორც ქვემო ქართლის გუბერნიის საზოგადოებასთან ურთიერთობის სამსახურის წარმომადგენელმა რუსუდან გოგოლაძემ გვითხრა, აღნიშნული ვიდეო მთელს რეგიონს ნამდვილად არ ასახავს.

რუსუდან გოგოლაძემ ასევე თქვა, რომ ამდაგვარი საიმიჯო რგოლების გადაღება მომავალშიც იგეგმება, რომელშიც რეგიონის მრავალფეროვნება სრულად იქნება წარმოდგენილი.

EMC თანასწორობის პოლიტიკის პროგრამის დირექტორი თამთა მიქელაძე გუბერნიის ადმინისტრაციის მიერ გამოქვეყნებულ ვიდეოს პრობლემატურად აფასებს, რადგან ის არ წარმოაჩენს ქვემო ქართლის კულტურულ, ეთნიკურ და რელიგიურ მრავალფეროვნებას.

თამთა მიქელაძის თქმით, ადმინისტრაციის განმარტება, რომ ვიდეო მხოლოდ მცირე კოლაჟს წარმოადგენდა და მომავალში სხვა საიმიჯო რგოლებიც გამოქვეყნდება, ასევე პრობლემურია, რადგან მსგავსი ტიპის მასალების მომზადება წინასწარ უნდა დაიგემოს და სახელმწიფო ვალდებულია წარმოაჩინოს კულტულური მრავალფეროვნება. EMC თანასწორობის პოლიტიკის პროგრამის დირექტორი ასევე ამბობს, რომ ის დარწმუნებულია, რომ გუბერნიამ სხვა ტიპის ვიდეოების გადაღებაზე მსჯელობა მას შემდეგ დაიწყო რაც აღნიშნულ ვიდეოსთან დაკავშირებით კრიტიკა გაჩნდა.






რადიო „მარნეული“

| Print |
FaceBook Twitter Google
მსგავსი სიახლეები
ავტოტრანსპორტისა და მოტოციკლების მძღოლებისთვის
სამოქალაქო პასუხისმგებლობის დაზღვევა შესაძლოა სავალდებულო
გახდეს
11:38 / 19.02.2019
ავტოტრანსპორტისა და მოტოციკლების მძღოლებისთვის სამოქალაქო პასუხისმგებლობის დაზღვევა შესაძლოა სავალდებულო გახდეს
ვერძი
კონკურენციისა და ემოციების დღეა. პარტნიორული ტანდემი გონივრულად
შეარჩიეთ
09:51 / 19.02.2019
ვერძი
კონკურენციისა და ემოციების დღეა. პარტნიორული ტანდემი გონივრულად შეარჩიეთ
პირებს, რომლებსაც სამხედრო სავალდებულო
სამსახური გავლილი არ ექნებათ, შესაძლოა სახელმწიფო სტრუქტურებში
დასაქმება აეკრძალოთ. მთავრობა ახალი ცვლილებების პაკეტზე
მუშაობს.
23:04 / 18.02.2019
პირებს, რომლებსაც სამხედრო სავალდებულო სამსახური გავლილი არ ექნებათ, შესაძლოა სახელმწიფო სტრუქტურებში დასაქმება აეკრძალოთ. მთავრობა ახალი ცვლილებების პაკეტზე მუშაობს.

<span style=
18:11 / 18.02.2019

მარნეულის მაჟორიტარ-დეპუტატს რუსლან გაჯიევს,
დღეს, 18 თებერვალს
14:56 / 18.02.2019
მარნეულის მაჟორიტარ-დეპუტატს რუსლან გაჯიევს, დღეს, 18 თებერვალს
საქართველოს ეკონომიკის მინისტრის, გიორგი ქობულიას
თქმით, საქართველოში
14:23 / 18.02.2019
საქართველოს ეკონომიკის მინისტრის, გიორგი ქობულიას თქმით, საქართველოში
მიხეილ სააკაშვილი გენეტიკური ტესტის შედგების
გამოქვეყნების შემდეგ ფეისბუკზე მის მიმართ გამოთქმულ კრიტიკას
ეხმაურება
14:04 / 18.02.2019
მიხეილ სააკაშვილი გენეტიკური ტესტის შედგების გამოქვეყნების შემდეგ ფეისბუკზე მის მიმართ გამოთქმულ კრიტიკას ეხმაურება
მთავრობამ პარლამენტს სისხლის სამართლის კოდექსში
დაგეგმილი ცვლილებები წარუდგინა, რომლის მიხედვით, დავის უკანონოდ
გადაწყვეტის მიზნით შეკრება სისხლის
12:46 / 18.02.2019
მთავრობამ პარლამენტს სისხლის სამართლის კოდექსში დაგეგმილი ცვლილებები წარუდგინა, რომლის მიხედვით, დავის უკანონოდ გადაწყვეტის მიზნით შეკრება სისხლის
ვიდეო სიახლეები