თვითგამოცხადებული მთიანი ყარაბაღის რესპუბლიკა აზერბაიჯანთან
მოლაპარაკებების მხარე უნდა იყოს,
- ამის შესახებ სომხეთის პრემიერ-მინისტრმა ნიკოლ ფაშინიანმა
სტეფანაკერტში გამართულ პრესკონფერენციაზე განაცხადა.
„კონფლიქტის სამხედრო გზით გადაჭრის ვარიანტი უნდა გამოირიცხოს. თუ
საერთაშორისო საზოგადოებას ყარაბაღის საკითხის მოგვარება სურს, როგორ
წარმოგიდგენიათ ამის გაკეთება მოლაპარაკებების პროცესში ყარაბაღის
მონაწილეობის გარეშე?“ - განაცხადა ფაშინიანმა.
მისივე თქმით, სომხეთის არმია ინსტიტუციურად მაღალ დონეზე იმყოფება,
ხოლო შეიარაღებული ძალების ყველა პრობლემა მთავრობისთვის ძალიან
კარგად არის ცნობილი.