სიახლე
გიორგი მარგველაშვილი - ბიძინა ივანიშვილი, როგორც მმართველი პარტიის ლიდერი, უნდა გახდეს პრემიერ-მინისტრი
ბიძინა ივანიშვილი, როგორც მმართველი პარტიის ლიდერი, უნდა გახდეს პრემიერ-მინისტრი, - ამის შესახებ საქართველოს პრეზიდენტმა გიორგი მარგველაშვილმა ბათუმში, კონფერენციაზე „საქართველოს ევროპული გზა“ განაცხადა.

როგორც მარგველაშვილმა აღნიშნა, უნდა დასრულდეს საქართველოში პროცესი, როცა საზოგადეობამ არ იცის, ვინ და რატომ ხსნის პრემიერ-მინისტრებს.
„გუშინდელი გადადგომის მოხსენება სწორედაც, რომ ჩვენი ევროპული, გამჭვირვალე და საზოგადოებისთვის გასაგები პოლიტიკის შემადგენელი ნაწილი უნდა გახდეს. გუშინ, ბატონი პრემიერი წავიდა თანამდებობიდან და მან თქვა, რომ პარტიის თავმჯდომარეს, ანუ ბიძინა ივანიშვილს უნდა მისცეს შესაძლებლობა დააკომპლექტოს ახალი მთავრობა. მე მიმაჩნია, რომ ეს პროცესები ბევრად უფრო გასაგები, განჭვრეტადი და გააზრებული უნდა იყოს საზოგადოების მიერ. მიმაჩნია, რომ საზოგადოებისთვის გასაგები უნდა იყოს ვინ, რატომ, უცებ თანამდებობიდან მიდიან პრემიერ-მინისტრები, რომლებიც არიან წარმატებული პრემიერ-მინისტრები, ისევე, როგორც წინა პრემიერ-მინისტრის ბატონი ღარიბაშვილის წასვლის დროს ჩვენ მოვისმინეთ, რომ წარმატებული პრემიერ-მინისტრია.

რატომ მიდიან თანამდებობიდან წარმატებული პრემიერ-მინისტრები, რა არის ამის უკან მდგარი არგუმენტი?! რა პრინციპით და რა კრიტერიუმებით შეირჩევიან ახალი პრემიერ-მინისტრები?! მიმაჩნია, რომ ეს მასკარადის პერიოდი, როცა უცებ ირჩევიან პრემიერ-მინისტრები, რა პრინციპით - ეს საზოგადოებისთვის და ჩვენი უცხოელი პარტნიორებისთვის გაუგებარია, ეს უნდა დამთავრდეს. თუ ევროპულ არჩევანზე და ევროპული სახელმწიფოს ფორმირებაზე ვამბობთ, მარტივად მოგახსენებთ, იქ პრემიერ-მინისტრები არიან მმართველი პარტიის ლიდერები. შესაბამისად, ბიძინა ივანიშვილი, როგორც მმართველი პარტიის ლიდერი, უნდა გახდეს პრემიერ-მინისტრი თუ ჩვენ ვლაპარაკობთ პასუხისმგებლიან პოლიტიკაზე და ისეთი სახელმწიფო პროცესის ფორმირებაზე, რომელიც სახელმწიფოსთვის და საზოგადოებისთვის გასაგებია. თუ ჩვენ ვლაპარაკობთ ისეთი პრემიერ-მინისტრის დანიშვნაზე და არჩევაზე, რომლის მიმართაც არ გაჩნდება კითხვები. ეს არის რეალობა, რომელშიც ვდგავართ და ასე ფორმირდება ევროპული პოლიტიკური კულტურა. ამას იმიტომ ვამბობ, რომ დღეს ჩვენ საქართველოს ევროპულ გზასთან ვერთიანდებით, ვმსჯელობთ და განვიხილავთ. შესაბამისად, ვფიქრობ, რომ რაღაცნაირად ამ პროცესის დასასრული უნდა იყოს ეს, როდესაც არ ვიცით ვინ, რა პრინციპით ხსნის პრემიერ-მინისტრებს, რა პრინციპით არჩევს პრემიერ-მინისტრებს“, - განაცხადა გიორგი მარგველაშვილმა.

საქართველოს პრეზიდენტმა მოუწოდა პოლიტიკურ ძალებს პრემიერ-მინისტრად ბიძინა ივანიშვილი დაასახელონ.

„მოვუწოდებ საქართველოში პასუხისმგებლიან პოლიტიკურ ძალებს, აიღონ პასუხისმგებლობა საზოგადოების წინაშე, მათ შორის, მმართველ პარტიას ყველაზე მეტად და დაასახელონ პრემიერ-მინისტრად ის ადამიანი, რომელიც არის პარტიის ლიდერი, რომელთანაც მე მიმუშავია, როგორც პრემიერ-მინისტრთან და შემიძლია ვთქვა, რომ ის კარგი პრემიერ-მინისტრი იყო. ბიძინა ივანიშვილთან ვმუშაობდი მე როგორც მინისტრი და თანამშრომლობა ძალიან კარგი, საინტერესო და ეფექტური იყო, მაგრამ ეს მასკარადი, როდესაც ინიშნებიან ადამიანები და რეალურად გადაწყვეტილების მიმღები თურმე არის პარტია და ეს არ გამოიხატება რეალურ ცხოვრებაში, ჩემი აზრით, ავნებს საქართველოს, ავნებს საქართველოს ევროპულ არჩევანს და ავნებს საქართველოს სტაბილურობას“, - განაცხადა მარგველაშვილმა.

| Print |
FaceBook Twitter Google
მსგავსი სიახლეები
საქართველოს ყველა მარკეტში, სადაც თამბაქო იყიდება, სიგარეტის ფასები
10 და 20 თეთრით გაიზარდა.
17:18 / 16.10.2018
საქართველოს ყველა მარკეტში, სადაც თამბაქო იყიდება, სიგარეტის ფასები 10 და 20 თეთრით გაიზარდა.
საქართველოს პრეზიდენტ გიორგი მარგველაშვილს დღეს გამართულ
პრესკონფერენციაზე დაუსვეს კითხვა იმის შესახებ,
17:16 / 16.10.2018
საქართველოს პრეზიდენტ გიორგი მარგველაშვილს დღეს გამართულ პრესკონფერენციაზე დაუსვეს კითხვა იმის შესახებ,
ხონში „ევროპული საქართველოს
15:23 / 16.10.2018
ხონში „ევროპული საქართველოს" ოფისი გაძარცვეს. როგორც შტაბის უფროსმა დავით ჭავჭანიძემ განაცხადა,
საქართველოს მთავარი პროკურატურა აუდიოჩანაწერს ავრცელებს, რომელშიც
უწყების რწმუნებით,
15:19 / 16.10.2018
საქართველოს მთავარი პროკურატურა აუდიოჩანაწერს ავრცელებს, რომელშიც უწყების რწმუნებით,
რუსთავში სუიციდის ფაქტი დაფიქსირდა , დღეს დილით კულტურისა და
დასვენების პარკში 25 წლამდე მამაკაცმა ხეზე თავი ჩამოიხრჩო.
15:18 / 16.10.2018
რუსთავში სუიციდის ფაქტი დაფიქსირდა , დღეს დილით კულტურისა და დასვენების პარკში 25 წლამდე მამაკაცმა ხეზე თავი ჩამოიხრჩო.
შინაგან საქმეთა სამინისტროს მონაცემებით, 2018 წელს კიბერდანაშაულის
რაოდენობა გაორმაგდა.
15:15 / 16.10.2018
შინაგან საქმეთა სამინისტროს მონაცემებით, 2018 წელს კიბერდანაშაულის რაოდენობა გაორმაგდა.
სახელმწიფო აუდიტის სამსახური სახელმწიფო ვალის პორტფელის
ფორმირებისას სავალუტო რისკებზე მიუთითებს.
15:12 / 16.10.2018
სახელმწიფო აუდიტის სამსახური სახელმწიფო ვალის პორტფელის ფორმირებისას სავალუტო რისკებზე მიუთითებს.
საინვესტიციო პროექტებზე გათვალისწინებული ფულის აუთვისებლობის გამო,
ბიუჯეტს ჯარიმის გადახდა მოუწია.
15:06 / 16.10.2018
საინვესტიციო პროექტებზე გათვალისწინებული ფულის აუთვისებლობის გამო, ბიუჯეტს ჯარიმის გადახდა მოუწია.
პოპულარული სიახლეები
ჩვენ ფეისბუქზე :)
პოპულარული ფიქსირებული დღეებით