ქვემო ქართლის გუბერნიის ადმინისტრაციის მიერ გამოქვეყნებული საიმიჯო ვიდეორგოლის გასაპროტესტებლად სრულიად საქართველოს მუსლიმთა სამმართველომ ახლაი ვიდეო გამოაქვეყნა.

ვიდეოში ქრისტიანულ ეკლესიებთან, ისტორიულ და არქიტექტურულ ძეგლებთან და ქვემო ქართლის სხვა ღირსშესანიშნაობებთან ერთად ასახულია, მუსლიმური მეჩეთები, აზერბაიჯანული პურის ცხობის პროცესი, მუსლიმური რელიგიური დღესასწაულები და ქართველებისა და აზერბაიჯანელების ტრადიციული სამოსი.

ვიდეოს ავტორი სრულიად საქართველოს მუსლიმთა უმაღლესი სასულიერო სამმართველოს შეიხი მირთაგი ასადოვი ჩვენთან საუბარში ამბობს, რომ ამ ვიდეოს მიზანი გუბერნიისათვის მაგალითის ჩვენებაა.

„ქვემო-ქართლში მცხოვრები მუსლიმებისთვის დისკრიმინაციული იყო ამ ვიდეოს ნახვა. ჩვენ მოვიფიქრეთ, რომ მათი ვიდეო აგვეღო და ჩვენი გადაღებული ვიდეობი დაგვემატებინა. სადაც ქვემო ქართლის მრავალფეროვნება ჩანს. ამ რეგიონში მცხოვრებლები ზუსტად ასახავენ რეგიონის მრავალფეროვნებას“. - ამბობს მირთაგი ასადოვი.



5 ივლისს ქვემო ქართლის გუბერნიის ადმინისტრაციამ საიმიჯო ვიდეორგოლი გამოაქვეყნა რამაც მოსახლეობაში აზრთა სხვადასხვაობა გამოიწვია. ვიდეორგოლში მხოლოდ მართლმადიდებლური ტაძრები, ისტორიული და არქეოლოგიური ძეგლები და ქვემო ქართლის სხვა ღირსშესანიშნაობები იყო ასახული, რის გამოც ეთნიკურად აზერბაიჯანელი მოქალაქეები მასში საკუთარ თავს ვერ ხედავდნენ.

რადიო "მარნეული"