“ხანძრის 15 კერა ათენის შემოგარენში ერთდროულად გაჩნდა” – დაღუპულთა რაოდენობა იზრდება
11:25 / 25.07.2018
საბერძნეთში ორშაბათის ძლიერი ხანძრის შედეგად დაღუპულია, სულ მცირე,
74 ადამიანი.
მსხვერპლის რაოდენობა, შესაძლოა, გაიზარდოს, რადგან ათეულობით
ადამიანს ამ დრომდე ვერ პოულობენ. დაშავებულთა რიცხვი 200-ს
აღწევს.
მთავრობის წარმომადგენლები ეჭვობენ, რომ ხანძარი დივერსიის შედეგად
გაჩნდა.
“15 ხანძარი ერთდროულად დაიწყო ათენის შემოგარენში, სამ სხვადასხვა
ადგილზე”, – თქვა საბერძნეთის მთავრობის პრესსპიკერმა დიმიტრის
ცანაკოპულოსმა. მის კომენტარს BBC ავრცელებს.
როგორც ადგილობრივი მედიასაშუალება Greek Reporter იუწყება, მთლიანად
არის განადგურებული ტურისტული სოფელი მატი. ხანძრის შედეგად დამწვარია
3 ათასამდე სახლი და ასეულობით მანქანა. ტყეში გაჩენილი ხანძარი
მალევე მოედო დასახლებულ რაიონებს, რასაც ხელი შეუწყო ძლიერმა, 100
კმ/სთ სიჩქარის ქარმა. ადამიანებმა თავის დაღწევა ვერ შეძლეს
ცეცხლმოდებული სახლებიდან და ავტომობილებიდან.
ხანძრი მიზეზების დადგენაში საბერძნეთის მთავრობამ დახმარება აშშ-ს
სთხოვა.
ადგილობრივი მედიასაშუალების მიერ გადაღებულ ვიდეოში ცხადად ჩანს
გამანადგურებელი ხანძრის მასშტაბები: