Marneulidə Sayat Nova
küçəsində toy axşamı ev qarət olunub. Ev sahibinin dediyinə görə,
qızını evləndirib və 6 noyabr tarixində toy edib.Toya gələn qonaqlar tərəfindən
yığılmış təxminən 8 000 lari 7 noyabr tarixində hər kəsin oğlan
evində toyda olduğu vaxt oğurlanıb. Ev sahibi toydan qayıdanda evin
dağıdıldığını, məişət əşyalarının yıxıldığını və pəncərənin
sındırıldığına şahid olub. Onlar pulu evdə, yataq otağında
saxlayıblarmış. Toydan yığılmış puldan əlavə oğrular qonaqların
çantasındakı pulları da götürüblər.
Hadisə yerinə ekspert-kriminalistlər cəlb olunub və əl izlərini
götürüblər. Daxili İşlər Nazirliyindən “Marneuli” radiosuna verilən
məlumata görə, hadisə ilə bağlı Gürcüstan Cinayət Məcəlləsinin
oğurluğu nəzərdə tutan 177-ci maddəsi ilə istintaq davam
edir.