წითელ ხიდზე არადეკლარირებული სიგარეტი აღმოაჩინეს
წითელ ხიდზე არადეკლარირებული სიგარეტი
აღმოაჩინეს.
„16-17 იანვარს, საბაჟო გამშვებ პუნქტში „წითელი ხიდი“,
არადეკლარირებული სიგარეტის ქვეყნის საზღვარზე კანონდარღვევით
შემოტანის მცდელობის 4 ფაქტი აღიკვეთა. საქართველოს ფინანსთა
სამინისტროს შემოსავლების სამსახურის მებაჟე ოფიცრებმა, ეჭვის
საფუძველზე, საქართველოსა და აზერბაიჯანის მოქალაქეების გ.მ-ს, ჯ.ტ-ს,
გ.ვ-სა და ნ.ნ-ს ფიზიკური დათვალიერების შედეგად, ჯამში, 3 140 ღერი
არადეკლარირებული სიგარეტი აღმოაჩინეს.
საქართველოს საგადასახადო კოდექსის 289-ე მუხლის მე-14 ნაწილის
შესაბამისად, კანონდამრღვევ მოქალაქეებს ჩამოერთვათ საქონელი და
თითოეულს, სანქციის სახით, ფულადი ჯარიმა, ათასი ლარის ოდენობით
შეეფარდათ“, – ნათქვამია ფინანსთა სამინისტროს
შემოსავლების სამსახურის განცხადებაში.
წყარო: tv4.ge