მარნეულის მუნიციპალიტეტის წარმომადგენლობითმა ორგანომ, საკრებულომ, 2017 წელს 771 858 ლარი დახარჯა, ამის შესახებ რადიო „მარნეულს“ მერიიდან გამოთხოვილი საჯარო ინფორმაციის პასუხად აცნობეს .

მერიის მიერ გამოგზავნილ წერილში ასევე წერია, რომ საკრებულოში შრომის ანაზღაურებისათვის 449 324 ლარი დაიხარჯა, საედანაც 424 899 ლარი თანამდებობრივი სარგოს, ხოლო 24 425 ლარი პრემიებისათვის გაიხარჯა. შტატგარეშე მომუშავეთა ანაზღაურებისათვის მარნეულის მუნიციპალიტეტის საკრებულომ 2017 წელს 51 700 ლარი დახარჯა.

საკრებულოს წევრების ქვეყნის შიგნით მივლინებისათვის 150, ხოლო ქვეყნის გარეთ მივლინებებზე 1 976 ლარი დაიხარჯა.

ოფისი ხარჯების მუხლით 22 418 ლარიდან საკანცელარიო საქონელზე გახარჯულია 9 424 ლარი, კავშირგაბმულობის ხარჯებზე კი 12 994 ლარი.

საკრებულოს ტრანსპორტის, ტექნიკის ექსპლოატაციისა და მოვლა–შენახვისათვის 2017 ეწლს 148 310 ლარი დაიხარჯა, საედანაც 138 056 ლარი გათვალისწინებულია საწვავ/საპოხი მასალების შეძენაზე, ხოლო 10 254 ლარი მიმდინარე რემონტის ხარჯზე.

სხვა დანარჩენი საქონელი და მომსახურების მუხლით, მარენულის საკრებულომ 86 864 ლარი დახარჯა, არაფინანსური აქტივების ზრდის მუხლით გატარებული 585 ლარით შეიძინა კონდიციონერი, 1 659 ლარი გახარჯა ვალდებულებების კლების მუხლით, ხოლო წარმომადგენლობით ხარჯზე 8 872 ლარი დახარჯა.

რადიო „მარნეული“