მარნეულის მერიის საკრებულო მედიასაშუალებებისთვის საკრებულოს სხდომაზე ცალკე ადგილების განსაზღვრას გეგმავს, რათა პირდაპირი ტრანსლირების დროს არ იარონ და ერთი კონკრეტული ადგილიდან შეასრულონ თავიანთი სამუშაო. ამის შესახებ განცხადება დღევანდელ საკრებულოს რიგგარეშე სხდომაზე საკრებულოს იურიდიული განყოფილების სამსახურის უფროსმა ბესო ნიჟარაძე გააკეთა და თქვა, რომ სხომაზე გადაადგილებებს ის არამიზანშეწონილად მიჩნევს.



„უნდა განისაზღვროს პრესისთვის , ტელევიზიისთვის ცალკე ადგილი, საედანაც მოხდება სხდომის მსვლელობის ჩაწერა. ნუ, პირდაპირ ეთერს, როგორც ასეთი ვერ შევზღუდავთ ახლა.“-თქვა ნიჟარაძემ


ნიჟარაზე ამბობს, რომ მედია საშუალებებისთვის ცალ-ცალკე უნდა განისაზღვროს ადილი, თუმცა დარბაზი რამდენად გვაძლევს ამის შესაძლებლობას საკრებულომ უნდა გადაწყვიტოს. ამავე საკითხს მარნეულის საკრებულოს თავმჯდომარე ამირან გიორგაძეც დაეთანხმა.

მარნეულის ტელევიზიის ოპერატორი შემოსასვლელ კართან ახლოს იდგა და ამირან გიორგაძემ მოსახერხებლად მიიჩნია თუ მედია საშუალებები მარნეულის ტელევიზიის გვერდით დადგებოდნენ.“

აღსანიშნავია ის ფაქტი, რომ საკრებულოს სხდომის პირდაპირ ტრანსლირებას ინტენსიურად ორი მედიასაშუალება ანხორციელებს. რადიო
"მარნეული" და "მარნეული TV ". 

რადიო "მარნეულის" დირექტორი კამილა მამედოვა მიიჩნევს რომ, დღევანდელი განცხადება მიზანმიმართულია ორგანიზაციაზე, რათა ხელი შეუშალონ რადიო "მარნეულს" გააშუქონ სხდომები გამჭვირვალედ. 

"მე საკრებულოს დღევანდელ მსჯელობას ვუკავშირებ გასული საკრებულოს რიგგარეშე სხდომაზე რადიო "მარნეულის" ჟურნალისტის მიმართ,  საკრებულოს თავმჯდომარის მოადგილის მამუკა ნავერიანის მიერ ნათქვან ვარაუდს, რომ ის ოპოზიციის წარმომადგენელია და შესაძებელია მიკერძოებასაც ჰქონდეს ადგილი. ამას მოჰყვა ჩემი ფეისბუქ სტატუსი, სადაც მე ვუარყვე ნავერიანის მიერ ნათქვამი ვარაუდი. მხოლოდ ამის მერე დადგა საკითხი მედიასაშუალებებისათვის სხდომის პირდაპირი ტრანსლირების განსახორციელებლად ცალკე ადგილის განსაზღვრაზე. ტექნიკა, რითაც ჩვენ ფეისბუქ ლაივში გავდივართ მოლაპარაკესთან ახლოს ყოფნას საჭიროებს, თუმცა ჟურნალისტები ყოელთვის გარკვეულ მანძილზე დგანან , რაც არანაირად უშლის ხელს საკრებულოს სხდომის მსვლელობას" - ამბობს კამილა მამედოვა



კამილა მამდოვა ამბობს, რომ მსგავსი ქმედება ეწინააღმდეგება თვითმმართველობის ღიაობის პრინციპს და ტოვებს შთაბეჭდილებას, რომ საკრებულო მიზანმიმართულად ცდილობს შეზღუდოს მარნეულის მოსახლეობისთვის ინფორმაციის მიღება. და მხოლოდ ის ინფორმაცია მიწოდენ რაც მათი მიერ გაკონტროლებული და გაფილტრული იქნება.

შეგახსენებთ, რომ 20 ნოემბერს, მარნეულის საკრებულოს მეექსვე მოწვევის სხდომაზე დამსწრეებს სხდომის მიმდინარეობის დროს სოციალური ქსელით პირდაპი ეთერის განხორციელება აეკრძალათ.
საკრებულოს აპარატის თავმჯდომარე, ნინო ბერიძემ საკრებულოს შიდა დადგენილების საფუძველზე დამსწრეებს სხდომის სოციალური ქსელით პირდაპირი ტრანსლირება აუკრძალა.

29 დეკემბერს  მარნეულის საკრებულო ისევ მიუბრუნდა საკითხს სხომის პირდაპირი ტრანსლირების შეზღუდვის შესახებ და დღეს გამართულ საკრებულოს სხდომის დასასრულს, ამირან გიორგაძემ ბოლო სიტყვა საკრებულოს იურიდიული განყოფილების სამსახურის უფროსს დაუთმო, რომელმაც განაცხადა, რომ მედიასაშუალებებისთვის საკრებულოს სხდომების პირდაპირი ეთერით ტრანსლირება მხოლოდ აღებული ნებართვით იქნება შესაძლებელი.

რადიო „მარნეული“