მარნეულის მუნიციპალიტეტის კაპანახჩის ტერიტორიულ ერთეულში შემავალი სოფელ ალგეთის მაცხოვრებლები რამდენიმე კვირის წინ სასმელი წყლის პრობლემასთან დაკავშირებით მარნეულის მერიის წინ შეიკრიბნენ. მას შემდეგ მათ დღემდე მხოლოდ ორჯერ მიიღეს წყალი. ამის შესახებ სოფლის ერთ-ერთი მაცხოვრებელი ვალიევა ნანახანუმი რადიო „მარნეულს“ ესაუბრა და თქვა, რომ საღამოს საათებში უცნობი პირები მივიდნენ სოფლის ტერიტორიაზე და წყლის მილზე ტუმბო დაამაგრეს.

„მე და ჩემმა შვილმა ვნახეთ საღამოს მანქანა იდგა და მივედით, დავინტერესდით რისთვის იყვნენ მოსულები. გვითხრეს, წყლის მომწოდებლის დალუქული მილების გასაღები ხომ არ გავთო და ჩვენ ვუთხარით, ვინც აკონტროლებს იმათ ექნებათ. მერე თქვეს იძულებული ვართ უნდა გავტეხოთო და გატეხეს, ტუმბო დააყენეს“- ამბობს ნანახანუმი

ნანახანუმმა ისიც აღნიშნა, რომ მათ სოფელში სარწყავი წყალი უკვე მიეწოდებათ, მაგრამ ვინც ამას აკონტროლებს თქვა, რომ წყალი გრაფიკით ექნებათ. გრაფიკი ასეთია , ექვსი დღე წყალი ექნებათ, ექვსი დღე არა.

აღსანიშნავია, რომ მაცხოვრებლების წლებია სასმელი წყლის პრობლემა აქვთ. ისინი საკუთარი ტრანსპორტით მიდიან 2-3 კმ-ით დაშორებით მდებარე მეზობელ სოფლებში, საედანაც წყალი მოაქვთ. ვისაც ავტომობილი არ ჰყავს, წყლის მოტანაში თანხას სხვას უხდიან.

შეგახსენებთ, რომ სოფლის მაცხოვრებლები 24 აპრილს მერიის წინ შეიკრიბნენ და მერთან შეხვედრა მოითხოვეს. ორი საათი ლოდინის შემდეგ კი მერი , თემურ აბაზოვი მათ შეხვდა. , რომელმაც განუმარტა, რომ მათი სასმელი წყალი შპს „რუსთავ წყალის“ ბალანსზეა. და დიდი ხანია უშაობა მიდის, რომ მარნეულის შპს „სოფწყალს“ გადასცენ ისინი ცდილობენ რომ ის სოფლებიც გადაიყვანონ შპს მარნეული სოფ წყალის ბალანსზე გადაიყვანონ.

შპს მარნეული სოფ წყლის დირექტორმა , ნაბი აბდულაევმა რადიო „მარნეულს“ უთხრა, რომ სამი კვირის განმავლობაში არაფერი შეცვლილა და კვლავ სოფელი ალგეთი შპს „რუსთავ წყალის“ ბალანსზეა. თუ როდის გადმოვა მათ ბალანსზე, ამის შესახებ ინფორმაციას არ ფლობს.

რადიო "მარნეული"