მარნეულის მუნიციპალიტეტის სოფელ ჯანდარში, სადაც ახალი სახლები დგას მოსახლეობას სასმლი წყლის  არქონას უჩივის.
სოფლში, სადაც 300 არაგველის ქუჩა და ე.წ. ჩინარის მიმდებარე ტერიტორიააა სასმელი წყლის მილები გაყვანილი არ არის. მოსახლეობა იძულებულია წყალში 25-30 ლარი გადაიხადონ და იყიდონ. თავადვე ამბობენ, რომ შესაბამის სამსახურებს არაერთხელ მიმართეს, თუმცა დღემდე არავინ დაინტერესებულა.

„ამ უბანზე წყალი არ არის. მივმართეთ განცხადებით , მაგრამ გვეუბნებიან გავიყვანთო. ჯერ არაფერია, ველოდებით“-ამბობს ერთ-ერთი მაცხოვრებელი.

„ბავშვები სკოლაში დადიან, ზაფხულია ყოველდღე დაბანაა საჭირო. ყველაფერში წყალი გვჭირდება და არაა. ვყიდულობთ წყალს და 30 ლარი ღირს “ -ამბობს ერთ-ერთი მაცხოვრებელი.

„ვყიდულობთ წყალს, ისიც 30 ლარი ღირს. 20 დღე გვყოფნის მეტი არა“

სოფელი ჯანდარის მოსახლეობის წყლით უზრუნველყოფა საქართველოს გართიანებული წყალმომარაგების კომპანიას ევალება.

როგორც ჩვენთან საუბარში საქართველოს გაერთიანებული წყალმომარაგების ტექნიკური აქტივების მართვის დეპარტამენტის უფროსი, მიხეილ თათარაძე ამბობს, აზიის განვითარების ბანკის დაფინანსებით, წყალმომარაგებამ უკვე გამოაცხადა ტენდერი, რომელიც 10 აგვისტომდე დასრულდება და მოიცავს მთლიანად ქალაქ მარნეულის წყალმომარაგების სისტემის უზრუნველყოფას. ამიტომ პროექტის დასრულების შემდეგ 24 საათიანი წყლის მიწოდება ექნება, სოფელ ჯანდარის მოსახლეობას და შესაბამისად, ქალაქ მარნეულს.

პროექტი დაახლოებით 2 წლის განმავლობაში გაგრძელდება და ეტაპობრივად გაკეთდება წყალმომარაგების სისტემა.

რადიო „მარნეული“