Gürcüstan Gənc Hüquqşünaslar Assosiasiyası seçki administrasiyasını
Mixeil Saakaşvili və Teymuraz Qorcistaninin qeyri-qanuni təbliğat
faktlarını araşdırmağa və müvafiq qərarlar qəbul etməyə çağırır.
GGHA-nın bəyanatında qeyd olunub ki, seçkiöncəsi təbliğata xarici
ölkə vətəndaşı/vətəndaşlığı olmayan şəxslərin də fəal şəkildə
qoşulublar.
Xüsusilə, hakimiyyət tərəfindən dəstəklənən namizəd Salome
Zurabişvilinin oğlu Teymuraz Qorcistani Salome Zurabişvilinin
təbliğat kampaniyasında fəal şəkildə iştirak edir. Onun dediyinə
görə, namizəd mütləq qalib gələcək və bu bütün ölkənin qələbəsi
olacaq. O, deyir ki, xalq Avropalı gələcəyi seçmək üçün seçkilərə
çıxacaq.
Kampaniyada Gürcüstanın 3-cü prezidenti Mixeil Saakaşvili də fəal
şəkildə iştirak edir. Təbliğatda qeyri-qanuni şəkildə iştirak
etməkdən başqa o, 4 noyabr 2018-ci ildə sosial media vasitəsilə
çıxışı zamanı nifrət ifadələrindən də istifadə edib.
“Müraciətdə Saakaşvili deyib: “Bizə hər yerdən varlı
turistlər lazımdır. Bu kasıblar, üzr istəyirəm, eybəcərlər
(ჯღანები) gəlirlər, öz kolbasa və konservlərini gətirirlər, bununla
biz varlana bilmərik. Bizə Birləşmiş Ərəb Əmirliklərindən lazımdır,
Banqladeşlilər yox, Banqladeşdə yaşayanlara qarşı deyiləm, sadəcə
gələnlər fəhlələrdir, hindlilərin o qədər də gəlirləri yoxdur.”
Mixeil Saakaşvili Banqladeşlilərə və Hindlilərə qarşı eybəcərlər
(ჯღანები) ifadəsini işlədib ki, bu da gürcü dilində mənfi məna
daşıyır. Qeyd olunmalıdır ki, bu ifadəni işlətməzdən əvvəl
Saakaşvili üzr istəyir. Bu isə o deməkdir ki, o, həmin sözü tam
dərk edərək, mənfi mənada işlədir”, - GGHA-nın
bəyanatında deyilir.
GGHA seçki subyektləri və onların dəstəkçilərini öz kampaniyalarını
qanunvericiliyə uyğun şəkildə aparmağa və çıxışları zamanı nifrət
və zorakılıq ifadələri işlətməməyə çağırır.