"Gürcüstan Hava Limanları Birliyi"nin məlumatına görə, 2018-ci ilin
10 ayı ərzində Gürcüstanın hava limanlarında sərnişin sayı 23%
artıb.
Bu isə o deməkdir ki, ümumilikdə 4 354 423 sərnişin hava limanından
istifadə edib.
Oktyabr ayına gəlincə, bu müddət ərzində bütün üç beynəlxalq hava
limanında da sərnişin axını artmışdır. Oktyabr ayında Tbilisi
Beynəlxalq Hava Limanı 335 094 sərnişinə xidmət edib ki, bu da ötən
ilin müvafiq dövrünün göstəricisindən 18% çoxdur (2017 - 284 329
sərnişin). 10 ay ərzində artım eyni dövrə (2017 - 2 724 740
sərnişin) nisbətən 21% təşkil etmişdir.
Kutaisi hava limanına gəldikdə, Kutaisi Beynəlxalq Hava Limanının
sərnişin hərəkət 2018-ci ilin oktyabrında 78% artaraq 62 min
sərnişinə (2017-ci il - 34 874 sərnişin) çatıb. 10 aylıq
göstəricilərə görə, Kutaisi Beynəlxalq Hava Limanı 512 386
sərnişinə xidmət göstərib ki, bu da ötən ilin eyni dövrü ilə
müqayisədə 39% çoxdur (2017-ci ilin 10 ayı - 359 961 sərnişin).
Hava Limanları Birliyinin məlumatına görə, Batumi Beynəlxalq
Aeroportunda artım tendensiyası davam edir. 2018-ci ilin
oktyabrında Batumi Aleksandre Kartveli adına Beynəlxalq Hava
Limanından 41 980 sərnişin istifadə edib. Bu ötən ilin eyni dövrünə
nisbətən 11% çoxdur (2017-ci ilin oktyabrında - 37 660 sərnişin).
2018-ci ilin yanvar-oktyabr aylarında Batumi Beynəlxalq Hava
Limanında sərnişin axını 19% artaraq 555 693 sərnişinə (2017-ci il
- 466 010 sərnişin) çatıb.
Yerli hava limanlarına gəldikdə, 2018-ci ilin 10 ayı ərzində Mestia
və Ambrolauri hava limanlarından 7 601 sərnişini istifadə edib.
2018-ci ilin 10 ayı ərzində yerli hava limanlarında 362 uçuş həyata
keçirilib.