Gürcüstan Maliyyə Nazirliyinin təhqiqat xidmətinin əməkdaşları
Gəlirlər Xidmətinin Gömrük Departamentinin
nümayəndələri ilə razılaşdıraraq Gürcüstanın gömrük sərhədindən
külli miqdarda bəyan edilməmiş malların gömrük “Sarpi” keçid
məntəqəsinə gətirilməsinə dair iki fakt aşkar ediblər. Məlumatı
Maliyyə Nazirliyinin İstintaq Xidməti yayıb.
Agentlikdən verilən məlumata görə, araşdırma zamanı müəyyən edilib
ki, bir halda Türkiyə Respublikasından Azərbaycan vətəndaşı gömrük
nəzarətindən gizli şəkildə Gürcüstana
ümumi dəyəri 15 762 lari olan
12 ədəd dərman vasitəsini, digər halda isə Gürcüstan vətəndaşı
respublikadan gizli yolla 56 min lari dəyərində qızıl-zinət
əşyaları gətirib.
İş Gürcüstan Cinayət Məcəlləsinin 214-cü maddəsinin 1-ci və 2-ci
hissələri ilə araşdırılır ki, bu da 5 ildən 7 ilədək azadlıqdan
məhrumetməni nəzərdə tutur.