Gürcüstan Prokurorluğu bir nəfəri ailə üzvünə qarşı zorakılıq və
cinsi əlaqəyə məcbur etməkdə ittiham edib.
“Daxili İşlər Nazirliyi tərəfindən aparılan istintaq tədbirləri ilə
müəyyən edilib ki, təqsirləndirilən şəxs onunla birlikdə yaşayan
xarici ölkə vətəndaşına qarşı cinsi ayrı-seçkilik zəminində
zorakılıq tətbiq edib, onunla cinsi əlaqədə olmağa məcbur edib.
Hüquq-mühafizə orqanlarının əməkdaşları təqsirləndirilən şəxsi
noyabrın 21-də həbs edərək, ona qarşı cinsi zorakılıq, zorakılıq və
ailə üzvünə qarşı psixoloji təzyiq göstərmə faktları üzrə ittiham
irəli sürüblər ki, bu da 5 ilədək azadlıqdan məhrumetmə ilə
cəzalandırılır”.
Artıq prokurorluq təqsirləndirilən şəxs barəsində həbs qətimkan
tədbirinin seçilməsi ilə bağlı vəsatətlə məhkəməyə müraciət
edib.