Gürcüstan Prokurorluğu rahibənin qarətindən və zorlanmasından sonra
həbs edilən şəxslərə qarşı rəsmən ittiham irəli sürüb.
Hüquq-mühafizə orqanlarının əməkdaşları təqsirləndirilən şəxsləri
noyabrın 26-da saxlayıblar. Onlar Gürcüstan Cinayət Məcəlləsinin
137-ci maddəsinin 3-cü hissəsinin “c” bəndi və 4-cü hissəsinin “a”
bəndi və 179-cu maddə ilə ittiham olunurlar ki, bunlar da on beş
ildən iyirmi ilədək müddətə azadlıqdan məhrum
etməni və ya ömürlük
həbs cəzasını nəzərdə tutur.
Prokurorluqdan verilən məlumata görə, Daxili İşlər Nazirliyi
tərəfindən aparılan araşdırmalarla müəyyən edilib ki, noyabrın
25-də Xaşuri bələdiyyəsinin Nzimuxa kəndində yerləşən kilsənin
yaşayış kamerasında iki nəfər rahibəyə basqın edərək ondan pul və
qızıl-zinət əşyaları tələb ediblər. Rədd cavabını aldıqdan sonra
adıçəkilən şəxslər ona fiziki təzyiq göstərərək, zorakılıqla qrup
halında zorlayıblar. Həmçinin, rahibənin mobil telefonunu
götürülərək yenidən döyərək huşsuz vəziyyətdə buraxıblar.
Təqsirləndirilən şəxslər içərisinə pulların qoyulduöu olduğu ianə
qutularını kilsədən götürərək hadisə yerindən gizləniblər.
Təqsirləndirilən şəxslər 1995-ci il təvəllüdlü L.T. və 1983-cü il
təvəllüdlü V.Q-dır.
Prokurorluq bildirir ki, bu cür cinayətlərə görə qurum ən sərt
cinayət-hüquq siyasəti aparır və bütün zorakılıq törədənlər qanun
çərçivəsində ciddi şəkildə cəzalandırılacaqlar.