Strasburqun insan haqları məhkəməsi “Milli Hərəkat”ın keçmiş
sədri Nika Melianın
işində ona qarşı qanun pozuntusu aşkar etməyib. Qərar bu gün,
sentyabrın 7-də dərc olunub.
Şikayət 20 iyun 2019-cu il tarixində Qavrilovun gecə işində Nika
Meliyanın həbsinə aid idi. Siyasətçi hesab edib ki, ona qarşı
Avropa İnsan Haqları Konvensiyasının iki maddəsi pozulub:
• Maddə 5 -
azadlıq və təhlükəsizlik hüququ;
• Maddə 18 - hüquqların məhdudlaşdırılmasının tətbiq dairəsi.
Bu hissələrin heç birində pozuntu aşkar edilməyib.
Nika Melia 20-21 iyun 2019-cu il tarixlərində Parlament
yaxınlığında keçirilən işğala qarşı etiraz aksiyası zamanı
parlament binasına soxulmağa cəhddə, qrup zorakılığına rəhbərlik və
iştirak etməyə görə ittiham olunub.
Prokurorluğun müraciətindən sonra hakim Nika Melia barəsində
həbs-qətimkan tədbiri kimi elektron monitorinq və həmin vaxt
ödədiyi 30 000 lari girov təyin edib. 1 noyabr 2020-ci ildə Nika
Melia Parlament qarşısında etiraz aksiyasında elektron monitorinq
qolbağını açıq şəkildə çıxarmışdı.
Bu səbəbdən prokurorluq girovun məbləğinin 100 min lariyə qədər
artırılması üçün məhkəməyə müraciət edib. Tbilisi Şəhər
Məhkəməsinin 3 noyabr 2020-ci il tarixli qərarına əsasən, girov
məbləği 40 min lari artırılıb və Melia üçün ödəniş müddəti 50 gün
təyin edilib. Nika Melia girov ödəməkdən imtina edib. Məhkəmə
fevralın 17-də onun girovunu həbs-qətimkan tədbirinə
dəyişdirib.
2021-ci il fevralın 23-də səhər saatlarında polis qüvvələri “Milli
Hərəkat”ın baş ofisində keçirdiyi xüsusi əməliyyat nəticəsində
Melianı həbs edib. “Milli Hərəkat” sədrinin həbsi Gürcüstanda
siyasi böhranı daha da dərinləşdirib. Bir neçə həftəlik
danışıqlardan sonra razılaşma sənədi hazırlanıb və ona əsasən
“Amnistiya qanunu” qəbul edilib.
Qanunun qəbuluna qədər Avropa Birliyi Meliaa nisbi girov haqqı
ödəyib - 40 min lari. Siyasətçi 2021-ci il mayın 10-da həbsdən
çıxıb.