Türkiyənin cənub bölgəsində torpaq sürüşməsi baş verib. Düşmüş
torpaq kütləsi 9 nəfərin olduğu qızıl mədənini əzib.
Türkiyənin Daxili İşlər nazirinin sözlərinə görə, mədənçilərlə
əlaqə yaratmaq mümkün deyil. Türkiyənin Daxili İşlər nazirinin
mətbuata verdiyi məlumata görə, sürüşmə qızıl hasilatı zamanı
mədəndən çıxarılan torpağı da hərəkətə gətirib.
Onun sözlərinə görə, hadisə yerində 400 xilasedici işləyir,
yaxınlıqdakı rayonlardan
hadisə yerinə ilkin tibbi yardım
əməkdaşları gətirilib.
Geoloqlar ehtiyat edirlər ki, tərkibində sianid olan torpaq kütləsi
Fərat çayına daxil ola bilər və bu, yerli biomüxtəlifliyə təhlükə
yaradacaq. Bununla bağlı Türkiyənin ətraf mühitin mühafizəsi naziri
bildirib ki, suyun çirklənməsinin qarşısını almaq üçün fəlakət
zonasından çaya axan qol bağlanıb.
Sürüşmə altında qalan mədən 2020-ci ildə Fərat çayına sianid
sızması səbəbindən bağlanmışdı. Adı çəkilən çay Türkiyədən keçərək
Suriya və İraqa axır. Təmizləmə başa çatdıqdan sonra mədən 2022-ci
ildə yenidən açılmışdı və qızıl hasilatı şirkəti
cərimələnmişdi.
ABC News yazır ki, Türkiyənin mədənlərinin təhlükəsizlik dərəcəsi
aşağıdır. Xüsusilə, 2022-ci ildə kömür mədənində baş verən
partlayışda 41 şaxtaçı həlak olub. Mədənlə bağlı Türkiyədə ən böyük
faciə 2014-cü ildə baş verib, o zaman 301 nəfər ölüb.