İctimai reyestr zorakı, Rusiyayönlü “Alt İnfo” partiyası
“Mühafizəkarlar Hərəkatı”nı ləğv edib.
Qərar artıq reyestrdə öz əksini tapıb.
İctimai reyestr hüquqi əsas kimi konqres nizamnaməsinin təqdim
edilməməsini göstərir.
Daha dəqiq desək, reyestrdə yazılır:
“6 dekabr 2021-ci ildə Konstantin Morqoşianın
imzaladığı yeni nizamnamə Milli Dövlət Reyestr Agentliyinə təqdim
edilib. Mövcud qanunvericiliyə görə, nizamnamə qurultay tərəfindən
təsdiq edilməli idi. Beləliklə, Gürcüstanın “Vətəndaşların Siyasi
Birlikləri haqqında” Üzvi Qanununun 17-ci maddəsinin 5-ci bəndinin
tələblərinə uyğun olaraq, ərizəçi partiya üzvlərinin qurultayında
qəbul edilmiş nizamnaməni Milli Dövlət Reyestr Agentliyinə təqdim
etməli idi”.
“Alt İnfo”nun üzvü İrakli Martınenko bunu cinayət kimi
qiymətləndirib.
“Bu, hətta əvvəlki hökumətlər dövründə də baş verməmiş
cinayətin eşidilən formasıdır. Hətta Saakaşvili rejimi dövründə
belə olmayıb ki, konstitusiya ilə təmin edilən hüquq, seçkilərdə
iştirak, qanuni siyasi fəaliyyətlə məşğul olmaq hüququ
pozulub”, - deyə Martinenko bildirib.
Rusiyayönümlü, zorakı “Alt İnfo” qrupu 20 noyabr 2021-ci ildə
“Mühafizəkarlar Hərəkatı/Alt İnfo” partiyasını təsis edib.
Aprelin 4-də Mərkəzi Seçki Komissiyası partiyanı seçki subyekti
kimi qeydiyyata alıb və seçkilərdə iştirakına icazə verib. Bunun
üçün 50 min imza toplayıblar.
"Alt Info" 5 iyul 2021-ci il zorakılığının təşkilatçısı olub. Onlar
törətdikləri cinayətlərə görə hələ də cəzasız qalıblar.
"Alt Info" 8 iyul 2023-cü ildə "Lis Wonderland"da keçirilməsi
planlaşdırılan LGBTQ festivalı Pridefest-i pozdu. Bu gün belə bu
məsələyə müvafiq hüquqi qiymət verilməyib.
“Alt İnfo” rus, anti-Qərb təbliğatı və dezinformasiya yayır.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.