DİN-in 112 xidmətinə Marneuli rayonunun İmir kəndindən 59 saylı
seçki məntəqəsində komissiya üzvünün döyülməsi faktı ilə bağlı
məlumat daxil olub.
Kvemo Kartli Polis Departamentinin əməkdaşları dərhal qeyd olunan
məntəqəyə gediblər.
Müəyyən olub ki, “Milli Hərəkat” partiyasının üzvü Fikrət Qarayev
və “Gürcü Arzusu” partiyasının üzvü Xaləddin Hüseynov arasında
sözlü və fiziki qarşıdurma baş verib. Vəziyyəti yüngülləşdirmək
üçün məntəqəyə hüquq mühafizəçilərini çağırıblar. Polisin ictimai
qaydanı qorumaqla bağlı bir neçə dəfə xahiş etməsinə baxmayaraq ona
tabe olmayıblar və nəticədə hər iki tərəfin nümayəndəsi inzibati
xətalar məcəlləsinin 173-cü maddəsinə əsasən saxlanılıb.
Baş vermiş faktla bağlı CM-nin 162-ci prima maddəsinin birinci
hissəsi ilə istintaq başlayıb. Maddə seçki məntəqəsində, seçki
komissiyasının yerləşdiyi yerdə və ya onun ətraf ərazisində
zorakılığı nəzərdə tutur.