Meriya rəsmi məktuba cavabı ənənəvi
olaraq yenə gecikdirdi. Yazdığımız məktuba cavabı 10-cu gün əvəzinə
11-ci gün aldıq.
“Marneuli” radiosu Marneuli meriyasına rəsmi olaraq 30 oktyabr
tarixində müraciət edib. Məktuba cavabı 12 noyabr tarixində almalı
idik. Lakin Marneuli meriyası ənənəsini pozmadı və rəsmi məlumatı
gecikdirdi.
“Marneuli” radiosu Gürcüstan İnzibati Məcəlləsinin meriya
tərəfindən pozulmasına artıq alışıb. Lakin bu dəfə daha bir problem
meriya tərəfindən rəsmi məktubumuza tam cavab verilməməsi oldu.
Biz rəsmi qaydada 2018-ci ilin 1 yanvar tarixindən bu günədək
tullantıların qeyri-qanuni olaraq atılması ilə bağlı neçə cərimə
yazıldığı, bu cərimələrin nə vaxt və harada yazıldığı barədə
məlumat tələb etmişdik.
Meriya isə göndərdiyi cavabda neçə cərimə yazıldığı ilə bağlı
məlumat versə də, harada və nə zaman yazılması ilə bağlı məlumat
verməyib.
Marneuli meriyasından isə bildirdilər ki, ötən gün almalı olduğumuz
məlumatı aydınlaşdırmaq üçün yenidən rəsmi məktub yazmalı və
müvafiq olaraq yenə 10 gün gözləməliyik.