Komissiya üzvləri Marneulidə Vaşadzenin nümayəndəsinə: Rədd ol burdan, təxribatçı
Marneuli seçki dairəsinin 5-ci seçki məntəqəsində
Qriqol Vaşadzenin nümayəndəsi (“Mülki İnkişaf üzrə Beynəlxalq
Şəbəkə) Farik Musaqulovu komissiya üzvləri seçki prosesi zamanı
maneçilik törətmə və təxribatda günahlandırırlar.
Komissiya üzvləri və Farik Mursaqulov arasında qarşıdurma Qriqol
Vaşadzenin nümayəndəsinin qeydiyyat masasının yanında daxil olan
seçicinin yanında durmasından və oradan onun qeydiyyat prosesini
müşahidə etməsindən sonra baş verib.
Komissiya üzvləri Mursaqulova qeyd bildiriblər və onu təxribatda
günahlandırıblar – “rədd ol burdan, təxribatçı”, “sən artıq
əsəblərimizlə oynayırsan”, bu və digər frazalarla onu məntəqədən
uzaqlaşdırmağa çalışıblar. Sonradan məntəqəyə dairə nümayəndələri
gəliblər, onlar da Mursaqulovu təxribatlarda günahlandırıblar.
Qriqol Vaşadzenin nümayəndəsini güclə həyətə çıxarmağa seçki
məntəqəsinə daxil olmuş yad adam da cəhd göstərib.
Mursaqulov özü Netgazetiyə bildirib ki, o, proseduru başqa
məntəqədən gəlmiş adamın ikinci dəfə səs verməməsi üçün müşahidə
edirmiş:
“Bu seçkilər demokratik seçkilərin heç yaxınına da gedə bilməz.
Mənə məlum olduğuna görə oxşar faktlar başqa məntəqələrdə də baş
verib və ona görə də siyahıları müşahidə etmək istəyirdim”.