Türkiyə Prezidenti Rəcəb Tayyib Ərdoğanın adından təqdim olunan
bununla bağlı qanun layihəsi noyabrın 1-də bu ölkənin Böyük Millət
Məclisində qəbul olunub
Türkiyə Silahlı Qüvvələrinin hərbi kontingentinin
Azərbaycan ərazisində xidmət müddəti
daha bir il uzadılıb.
Türkiyə Prezidenti Rəcəb Tayyib Ərdoğanın adından təqdim olunan
bununla bağlı qanun layihəsi noyabrın 1-də bu ölkənin Böyük Millət
Məclisində qəbul olunub.
Azərbaycanın işğaldan azad edilən ərazisində (Ağdam rayonu)
müvəqqəti yerləşdirildiyi açıqlanan Türkiyə-Rusiya Birgə Monitorinq
Mərkəzindəki türk hərbçilərin mandatı (birillik) bundan əvvəl də
2021-ci ildə bir il uzadılıb.
Bu mərkəz 2020-ci il 44 günlük İkinci Qarabağ Müharibəsinin
nəticəsi olaraq yaradılmışdı. Mərkəzin məqsədi atəşkəslə bağlı
monitorinqlər aparmaqdır.
İkinci Qarabağ Müharibəsi nəticəsində Azərbaycan Qarabağın bir
hissəsinə və ətraf 7 rayona nəzarəti bərpa edib.
Azərbaycan, Ermənistan və Rusiya rəhbərliyinin imzaladığı birgə
bəyanatla (10 noyabr) döyüşlər dayandırılandan sonra Laçın
dəhlizində (
Azərbaycanın Ermənistanla bitşik Laçın rayonunda) və
Qarabağdakı təmas xəttində Rusiya sülhməramlıları
yerləşdirilib.
1988-ci ildə başlayan Qarabağ münaqişəsi Azərbaycan və Ermənistan
arasında döyüşlərə səbəb olub.
1994-cü ildə gerçəkləşən atəşkəs razılaşmasına qədər Azərbaycanın
Dağlıq Qarabağ bölgəsi və ona bitişik 7 rayonu işğal edilmişdi.