ცხინვალის დე ფაქტო პარლამენტში 4 პარტია შევიდა
ადგილობრივი მედიის ცნობით, სამხრეთ ოსეთის დე ფაქტო რესპუბლიკის ცენტრალური საარჩევნო კომისიის ინფორმაციით, ბიულეტენების 87%-ის დამუშავების შემდეგ, პარლამენტში [დე ფაქტო] ოთხი პოლიტიკური პარტია შედის.

დე ფაქტო პარლამენტში შევიდა სახალხო პარტია – 15,41% (3186 ხმა), კომუნისტური პარტია – 7,12% (1472 ხმა), “ერთიანი ოსეთი” – 30,32% (6267 ხმა) და “ნიხასი” – 29,93% (6174 ხმა).

საერთო ჯამში, სამხრეთ ოსეთის
[დე ფაქტო] პარლამენტში 17 პარტიული დეპუტატი და 17 მაჟორიტარი შევიდა.

სამხრეთ ოსეთის [დე ფაქტო] საპარლამენტო არჩევნებში აქტივობამ 72,32% შეადგინა. ცენტრალური საარჩევნო კომისიის [დე ფაქტო] მონაცემებით, სამხრეთ ოსეთის საუბნო საარჩევნო კომისიების სიებში შეყვანილი ამომრჩეველთა რაოდენობამ 29 ათასს გადააჭარბა.

დე ფაქტო რესპუბლიკის მერვე მოწვევის ე.წ. საპარლამენტო არჩევნების საბოლოო შედეგები ერთ კვირაში გახდება ცნობილი.

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.
Print E-mail
FaceBook Twitter Google