Bu gün, 20 oktyabr tarixində Marneuli Bələdiyyə Məclisi Rəhman
Musayevin Bələdiyyə Məclisi mandatını tərk etməsi ilə bağlı təqdim
etdiyi ərizəni arayış qismində qəbul edib.
Rəhman Musayev Marneuli Bələdiyyə Məclisində “Gürcü Arzusu”
partiyasını təmsil edirdi. O, sosial şəbəkədə onun şagirdlərə qarşı
zorakılıq faktını əks etdirən kadrlar yayımlandıqdan sonra
Bələdiyyə Məclisi mandatını tərk etməklə bağlı müraciət edib.
Rəhman Musayev Qırıxlı kənd ictimai məktəbinin gürcü dili müəllimi
idi. 2 oktyabr tarixində sosial şəbəkədə fotolar yayımlanmışdı.
Həmin fotolarda müəllimin azyaşlı şagirdləri dərs prosesi zamanı
dizi üstə qoyduğu görünürdü.
4-cü sinif şagirdlərinin dizi üstə qoyulması faktına Marneuli
Təhsil Resurs Mərkəzindən də münasibət bildiriblər və qeyd ediblər
ki, onlar məktəbdə baş vermiş hadisəni qınayırlar.
Daxili İşlər Nazirliyinin mətbuat xidmətindən baş vermiş hadisə ilə
bağlı bildirdilər ki, Cinayət Məcəlləsinin 150-ci maddəsi ilə
istintaq aparılır. Həmin maddə zorakılığı nəzərdə tutur.