Bu gün, 24 oktyabr tarixində Marneuli Mülki Məşğulluq Mərkəzində
“Yeni Düşüncə İnstitutunun” veb-səhifəsinin təqdimatı keçirilib.
Yeni Düşüncə İnstitutunun üzvü və “Təşkilat əməkdaşlarının inkişafı
və kənar münasibətlərin gücləndirilməsi” layihəsinin rəhbəri
Məhəmməd Bayramalıyev “Marneuli” radiosu ilə söhbəti zamanı
bildirdi ki, saytda iyun ayından işləməyə başlayıblar.
“Layihənin məqsədi “Yeni Düşüncə İnstitutu”
qeyri-hökumət təşkilatının, həmçinin əməkdaşların inkişafıdır.
Müvafiq olaraq, bu istiqamətdə çox fəaliyyətimiz var idi.
Əməkdaşlara təlim keçirilməsi, təşkilatın veb-səhifəsinin
yaradılması, təşkilatın tanıdılması üçün video çarxın çəkilməsi və
s. Bu gün təşkilatın veb-səhifəsinin tanıdılması və maraqlanan
şəxslərin təşkilatın işləri ilə tanış edilməsi üçün görüşümüz
olacaq”.
Maraqlanan şəxslər
nti.ge
veb-səhifəsindən Yeni Düşüncə İnstitutunun fəaliyyətinə nəzər
yetirə bilərlər. Sayt üçdilli olacaq və əhaliyə gürcü, azərbaycan
və ingilis dilində məlumat veriləcək.
“Veb-səhifə yaratdıq ki, bizim təşkilat barədə hamı ətraflı məlumat
alsın. Bütün hesabatlar, həyata keçirilən fəaliyyətlər, keçiriləcək
kurslar, pulsuz və pullu xidmətlər saytda əlçatan olacaq. Bu
şəffaflıq göstəricisi olacaq və gənclərə Yeni Düşüncə İnstitutunun
daha çox imkanlarından yararlanmaq şəraiti yaradacaq.
“Təşkilat əməkdaşlarının inkişafı və kənar münasibətlərin
gücləndirilməsi” layihəsi “Məsləhət və Təlimlər Mərkəzi” tərəfindən
elan edilmiş müsabiqə çərçivəsində həyata keçirilir. Yeni Düşüncə
İnstitutu layihə üzərində 2022-ci ilin iyulundan işləməyə başlayıb.
Layihənin məqsədi təşkilatın fəaliyyətinin və əməkdaşların
gücləndirilməsidir.