Marneuli yerli özünüidarəsi 3 noyabr tarixində üç kəndin idman
zalının tikilməsi üçün lazım olan smeta sənədlərinin tərtib
edilməsi ilə bağlı tender elan edib.
Tenderə görə, meriya üç idman zalının tikilməsi üçün smeta
sənədlərinin tərtib edilməsinə 135 000 lari xərcləməyi
planlaşdırır.
Tender təklifinə görə, Tsereteli, Algeti və Sadaxlı kəndlərində
idman zallarının tikilməsi planlşdırılır. Hər bir zalın tikilməsi
üçün təxmini dəyər isə 1 500 000 lari təşkil edir.
Marneulinin üç kəndində idman zalının tikintisinin smeta
sənədlərinin tərtib edilməsi xidməti üçün elan edilmiş tenderdə
iştirak etmək istəyən şirkətlər 16 noyabrdan 25 noyabra qədər öz
təkliflərini təqdim edə bilərlər.