Bu gün, 14 noyabr tarixində Marneuli Bələdiyyə Məclisində Kirovka
kəndinə əhali tərəfindən tələb olunan Mameyi adının verilməyəcəyi
səsləndirilib.
Bələdiyyə Məclisi Şaumyanı küçələrinə adların verilməsini
dəstəkləyib. İclasda Mülki İştirak və Aktivizm Mərkəzinin rəhbəri
Rəşan Ziyadəliyev Bələdiyyə Məclisi üzvlərinə suallarla müraciət
edib.
“Bildiyimiz kimi, Şaumyani kəndi ilə yanaşı ad verilmə
prosesi Kirovkada da aparılır və kənd əhalisi yerli özünüidarəyə
müraciət edib. Bu proses nə yerdədir, əhali ilə işlər aparılırmı və
kəndə hansı ad veriləcəyi barədə təxminən nə vaxt qərar qəbul
edəcəksiniz?”
Rəşan Ziyadəliyevun sualına bələdiyyədə kəndlərə ad verilməsi üzrə
komissiyasının üzvü İrina Maçaraşvili cavab verib və kəndə niyə
Mameyi adı verilməyəcəyini bildirib.
“Bu məsələ ilə bağlı iş davam edir. Biz Coğrafiya
İnstitutunu, İvane Cavaxişvili adına Dövlət Universitetinin
nümayəndələrini qoşmuşuq, arxiv materiallarını da araşdırırıq,
müvafiq olaraq prosedurlara riayət edərək bu məsələ araşdırıldı,
əhali ilə görüş keçirildi. Xatırlatdığım kimi, burada qədim dəmir
metallurgiya mərkəzi var, eləcə də bizim gürcü-azərbaycan
dostluğunu qeyd etmək üçün bir versiyamız var idi – kəndi dostluq
adlandırmaq. Köhnə adlar, Riğispiri və Vaziskide adıdır, müvafiq
olaraq, bir neçə versiya təqdim olunmuşdu. Onlar arasında fəaliyyət
göstərən hökumət komissiyasında qərar qəbul etmək üçün dostluq da
təqdim olunub. Güman ki, növbəti iclaslarda qərar qəbul olunacaq və
bu məsələ ilə bağlı məlumat alacağıq. Kənd əhalisi tərəfindən
təqdim olunmuş Mameyi adı heç yerdə qeydə alınmır, biz tarixi
materialları araşdırdıq. Mameyi toponimi nə 19-cu, nə də 20-ci
əsrdə qeydə alınmayıb. Ona görə də bizim bu adı vermək
səlahiyyətimiz yoxdur. Bu kəndin müəyyən qədər Mamayi
adlandırılmasından irəli gələrək, Mameyi adında iki versiya var,
bir versiya xristian müqəddəsi Mamaiyə bağlanır, digər versiya isə
güman ki, Qızıl Ordanın sərkərdəsi Mamai ilə əlaqədardır. Bu
versiyalar da az qəbul olunandır və niyə Qızıl Orda sərkərdəsinin,
müqəddəsin adı kəndə verilə bilməz. Çünki biz orada yaşayan
əhalinin inancını nəzərə alırıq. Buna görə də sonrakı adlarla bağlı
qərar qəbul etməyimiz daha doğru olar. Biri dostluq – indiki dövrdə
millətlər arasında sakit, bərabər yaşam nümunəsi, həm də turizmin
tanıdılması üçün, eləcə də biz bilirik ki, burada çox sayda qədim
artefakt aşkarlanıb. Bildiyiniz kimi Yaşıl Təpə unikaldır. Çünki
burada dəmir metallurgiya mağaraları tapılıb. Həmin artefaktı
tanıtmaq üçün bu kəndə dostluq və ya Yaşıl Təpə adı vermək çox
yaxşı olardı”.
Marneuli Bələdiyyə Məclisi iclasında, 19 apreldə Bələdiyyə Məclisi
Aparatının rəhbəri Nino Beridze Kirovka kəndinə ad verilməsi barədə
məlumat vermişdi. Beridzenin sözlərinə görə, kənd əhalisi təklif
olunmuş beş addan ikisini seçib. Kəndə “Yaşıl Təpə” və ya “Dostluq”
adı verilməli idi. Kirovka sakinlərinin bir qismi isə bu adları
qəbul etmirdi və onlar kəndə tarixi adının – “Mameyi”-nin
verilməsini tələb edirlər.
Marneuli bələdiyyəsinin Kirovka kəndinə ad vermə prosesinə kənd
əhalisinin qoşulması məqsədi ilə təşəbbüs qrupu da yaradılıb. Onlar
Marneuli meriyasına məktubla müraciət ediblər. Təşəbbüs qrupunun
üzvləri bələdiyyədən kənd toplantısı keçirmək və onun əsasında
kəndə ad verməyi tələb edirdilər. Amma Marneuli meriyası onlara
rədd cavabı verib.