Ortaçalada yeniyetməni vuran yük maşını sürücüsünə cinayət işi açılıb. Bu barədə prokurorluq məlumat yayıb.

Qurumun açıqlamasında bildirilir ki, saxlanılan şəxs Cinayət Məcəlləsinin 4 ildən 7 ilədək azadlıqdan məhrumetməni nəzərdə tutan 276-cı maddəsinin 6-cı hissəsi ilə ittiham olunub.

“Daxili İşlər Nazirliyi tərəfindən aparılan araşdırmalarla müəyyən edilib ki, noyabrın 21-də Tbilisi şəhərinin V.Qorqasali və B.Kalandadze küçələrinin kəsişməsində yük

maşınının sürücüsü nəqliyyat vasitəsinin təhlükəsiz idarə edilməsini təmin edə bilməyib və səkidə gəzən azyaşlı piyadanı vurub. Aldıqları xəsarətlər nəticəsində zərərçəkmiş yerindəcə keçinib”, - deyə prokurorluqdan bildirilib.

Qurumun açıqlamasında bildirilir ki, prokurorluq təqsirləndirilən şəxsin barəsində seçilmiş həbs qətimkan tədbirinin müddətinin uzadılması barədə vəsatətlə qanunla müəyyən edilmiş müddətdə məhkəməyə müraciət edəcək.