"MEGOBARİ Aktı"nın 5 həmtəşəbbüskar əlavə olunub: Respublikaçılar Austin Scott, Don Becon və Mike Lawler; Demokratlar Jerry Connolly və Lloyd Doggett.

İndi "MEGOBARİ Aktı"nın ümumilikdə 9 təşəbbüskarı var.

"Helsinki Komissiyası" yazır ki, "ABŞ Gürcüstan xalqı ilə dostluğa ciddi yanaşır və Konqresdə MEGOBARİ Aktı üçün impuls artır".

“MEGOBARİ Aktı”nın təşəbbüskarı ABŞ qanunverici orqanının aşağı palatasının üzvü, respublikaçı konqresmen Co Vilsondur.

“MEGOBARİ Aktı”na görə, bir tərəfdən Gürcüstanda “rusyönümlü xarici agentlər haqqında qanunun qəbulu və ya mümkün icrasına cavabdeh olan” şəxslər cavab verməlidir.

Digər tərəfdən, o, "Gürcüstan demokratik, qərb istiqamətini möhkəmləndirəcəyi təqdirdə" ölkəyə daha güclü dəstək - maliyyə yardımının artırılması və viza rejiminin yumşaldılacağını vəd edir.
İyunun 5-də ABŞ Konqresində Helsinki Komissiyası çərçivəsində Gürcüstanda baş verən hadisələrlə bağlı dinləmə keçirilib.

Dinləmədə ABŞ-ın Gürcüstandakı keçmiş səfiri Uilyam Kortni, Gürcüstanın Avropa İttifaqındakı keçmiş səfiri Natalia Sabanadze və “Vətəndaş Cəmiyyəti Fondu”nun Avropaya inteqrasiya proqramı üzrə meneceri Vano Çxikvadze iştirak ediblər.

Hələlik Konqresdə başqa cür müzakirələr aparılmayıb.

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.