Mütəşəkkil dəstə tərəfindən külli miqdarda narkotik vasitələrin satışından əldə etdiyi qanunsuz gəlirləri leqallaşdırmaqda təqsirli bilinən 10 nəfər tutulub.

Gürcüstan Prokurorluğunun məlumatına görə, İran İslam Respublikası vətəndaşı narkotik vasitələrin satışı və ondan əldə etdiyi qanunsuz və əsassız gəlirlərə hüquqi sifət vermək məqsədilə mütəşəkkil cinayətkar qrup yaradıb.

İstintaqın məlumatına görə, qrup maddi səmərə əldə etmək məqsədilə xüsusilə külli miqdarda qanunsuz və sənədsiz mənşəli əmlakı leqallaşdırmaq niyyətində olub; Mütəşəkkil dəstənin üzvləri arasında cinayət əməli nəticəsində əldə edilmiş əmlakın maskalanmasına və narkotik vasitələrin satışından əldə edilən gəlirlərin hüquqi formada iqtisadi dövriyyədə toplanmasına xidmət edən funksiyalar bölüşdürülüb.
İstintaqın məlumatına görə, narkotik vasitələrin satışından əldə edilən gəlirlə təşkil olunmuş dəstənin başçısı Tbilisidə başqa şəxslərin adına üç müxtəlif ünvanda restoran və gecə klubu biznesi ilə məşğul olub. Klub biznesinin məqsədi narkotik vasitələrin satışı və ondan əldə edilən qanunsuz mənşəyi ört-basdır etmək və yumaq idi.

“Mütəşəkkil dəstə üzvləri adları çəkilən klubların əldə etdikləri gəlirləri süni şəkildə artırıblar, xüsusən də 2023-cü ilin oktyabr ayında təqsirləndirilən şəxslər cəmi 5 gün ərzində 3 milyon 000 lari gəlir əldə ediblər ki, bu yolla pulun mənşəyi narkotik maddə satışı nəticəsində maskalanıb. Pulun bir hissəsi müxtəlif vaxtlarda cinayətkar qrupun üzvlərindən birinin bank hesabına yatırılıb. Sonuncu xaricə pul köçürmələri və kriptovalyuta mübadiləsi əməliyyatları həyata keçirib”, - prokurorluq bildirir.

İstintaqın məlumatına görə, mütəşəkkil qrupun digər üzvləri narkotiklərin satışından əldə etdikləri vəsaitlə sistemli şəkildə müxtəlif növ kriptovalyutalar alıb, mütəşəkkil dəstənin rəhbəri isə sonrakı satışdan əldə etdiyi pulları nağdlaşdırıb.

“Sözügedən cinayət fəaliyyəti nəticəsində mütəşəkkil dəstənin başçısı cinayətkar dəstə üzvlərinin tapşırığına əsasən bahalı daşınmaz əmlak əldə edib. O cümlədən, mütəşəkkil dəstənin rəhbəri Tbilisidə və Gürcüstanın müxtəlif ərazilərində özünün və təqsirləndirilən şəxslərin təsis etdiyi şirkət adından 2 000 000 (iki milyon) lariyə yaxın yaşayış mənzilləri, ticarət obyektləri və torpaq sahəsi alıb. Həmin dövrdə mütəşəkkil dəstə üzvlərinin adına təxminən 800 min lari dəyərində lüks avtomobillər alınıb. Narkotik vasitələrin satışından əldə edilən vəsait hesabına yuxarıda qeyd olunan əmlakların dəyəri tam ödənilib. Prokurorluq bildirir ki, mütəşəkkil dəstənin üzvləri xüsusilə külli miqdarda gəlir və pul şəklində 3 milyon laridən artıq daşınmaz əmlak əldə ediblər", - prokuratura qeyd edir.

İstintaq çərçivəsində təqsirləndirilən şəxslərin mülkiyyətində olan daşınmaz və daşınar əmlaklara həbs qoyulub. Prokurorluq cinayət mənşəli əmlakın dövlət xeyrinə müsadirə olunmasını təmin etmək üçün müvafiq hüquqi prosedurları həyata keçirəcəyini bildirir.

İstintaqın versiyasına görə, 2024-cü il iyunun 10-da mütəşəkkil dəstənin üzvləri ilə cinayətkar əlaqədə olan şəxs Marneuli rayonunun Kirəc Muğanlı kəndi ərazisindəki gömrük-keçid məntəqəsindən İran İslam Respublikasından Gürcüstana qarpız gətirib və qutulardakı gizlədilmiş yerlərdən 25,4 min qram narkotik vasitə qanunsuz yolla əldə edilərək, xüsusilə külli miqdarda marixuana saxlanılıb.

Saxlanılanlara qarşı qeyri-qanuni gəlirlərin leqallaşdırılması və mütəşəkkil dəstə tərəfindən xüsusilə külli miqdarda narkotik vasitənin Gürcüstana qanunsuz gətirilməsi faktları ilə ittiham irəli sürülüb, 15 ildən 20 ilədək və ya ömürlük həbs cəzası nəzərdə tutulub. Prokurorluğun vəsatəti əsasında təqsirləndirilən şəxslər barəsində artıq həbs qətimkan tədbiri seçilib. Cinayət sxemində iştirak edən digər şəxslərin müəyyən edilməsi istiqamətində işin istintaqı davam etdirilir.