Marneuli yerli özünüidarəsi Ağkörpü kənd ambulatoriya binasının bir
otağını təmir etməyi planlaşdırır.
Marneuli meriyası 18 oktyabr tarixində Ağkörpü ambulatoriya
binasının bir otağının təmiri üçün 9485 lari dəyərində tender elan
edib. Tender təklifinə görə, qalib gələcək şirkət işləri müqavilə
bağlandıqdan 45 gün ərzində həyata keçirməlidir.
Qeyd edək ki, Ağkörpü ambulatoriya binasının çox hissəsini indiki
mərhələdə məktəb tutur. Ağkörpü ictimai məktəbi 2022-2023-cü tədris
ilinə məhz ambulatoriya binasında başlayıb.
Çünki məktəb binası qəzalı vəziyyətdədir və təmirə ehtiyac var.
İndiki mərhələdə Ağkörpü ambulatoriyası yalnız bir otaqdan istifadə
edir. Marneuli meriyası məhz həmin otağın təmiri üçün tender elan
edib.