Marneuli bələdiyyəsi 2023-cü ili yeni yolka ilə qarşılayacaq.
Meriya yeni il üçün yolkanı 65 600 lariyə almağı planlaşdırır. Bu
məbləğ 2019-cu ildə alınmış yolkanın dəyərindən təxminən beş dəfə
artıqdır.
Bələdiyyəyə yeni yolka sonuncu dəfə Zaur Darğallının merliyi
dövründə 14 400 lariyə alınmışdı və üç il ərzində meriyanın
həyətində həmin yolkanı bəzəyirdilər.
Tender sənədlərinə görə, yeni yolkanın texniki xüsusiyyətləri
belədir:
• Ölçüsü: ən az 15 metr
• Diametr: ən az 7,5 metr
• Dəmir karkas
• Sadə yaşıl
• Budaqların sayı: ən az 600 ədəd
• Karkasa bərkidiləcək budaqlar
Meriya yolkanın alınması üçün tenderi 18 noyabr tarixində elan
edib. Tenderdə iştirak etmək istəyən şirkətlər 26-28 noyabr
dövründə təkliflərini təqdim edə bilərlər. Qalib şirkət yeni ilin
əsas atributunu qurmaq və sonra sökmək şərti ilə meriyaya təhvil
verməli olacaq.